وتاندىق بيزنەس ءۇشىن جاڭا مۇمكىندىكتەر اشىلادى

ءتيىستى جۇمىستى مەملەكەتتىك ورگاندار مەملەكەت باسشىسى مەن قر ۇكىمەتى باسشىلىعىنىڭ تاپسىرمالارىن ورىنداۋ شەڭبەرىندە جۇرگىزدى.

بۇگىنگى كۇنى تابيعي مونوپوليالار سالاسىنداعى زاڭنامالىق اكتىلەرگە وزگەرىستەر ەنگىزىلدى, ولار وتاندىق وندىرۋشىلەرگە باعانى شارتتى تۇردە 10%-عا تومەندەتۋ تۇرىندە ساتىپ الۋدىڭ باسقا قاتىسۋشىلارىنا قاراعاندا ارتىقشىلىق بەرەدى. بۇل جىلۋ, گاز, ەلەكتر, سۋمەن جابدىقتاۋ جانە سۋ بۇرۋ مەكەمەلەرىنە قاجەتتى تاۋارلاردى جەتكىزۋگە قاتىستى.

بۇل تۇزەتۋلەر وتاندىق ماتەريالداردى, جابدىقتاردى جانە باسقا دا ونىمدەردىڭ وندىرۋشىلەرىن كوممۋنالدىق كاسىپورىنداردىڭ كونكۋرستارىنا قاتىسۋعا ىنتالاندىرۋعا ارنالعان. قازىرگى ۋاقىتتا قازاقستاندا تۇرعىن ءۇي-كوممۋنالدىق شارۋاشىلىقتى جاڭعىرتۋ بويىنشا تولىققاندى جۇمىس جۇرگىزىلىپ جاتقانىن ەسكەرە وتىرىپ, ءتيىستى تاۋارلارعا تۇراقتى ۇزاق مەرزىمدى سۇرانىس پايدا بولۋدا. بۇل وتاندىق بيزنەس ءۇشىن جاڭا پەرسپەكتيۆالار اشادى.

تابيعي مونوپوليالار سۋبەكتىلەرىنىڭ بارلىق ساتىپ الۋلارى وسى ءۇشىن بولىنگەن ساۋدا الاڭدارىندا ەلەكتروندىق فورماتتا جۇزەگە اسىرىلاتىنىن اتاپ وتكەن ءجون.

كوممۋنالدىق كاسىپورىندار جانە كۆازيمەملەكەتتىك سەكتور سۋبەكتىلەرى بولىپ تابىلاتىن تابيعي مونوپوليالار سۋبەكتىلەرىنىڭ باسىم بولىگى ساتىپ الۋدى مەملەكەتتىك ساتىپ الۋ تۋرالى زاڭناما جانە سامۇرىق-قازىنا قورىنىڭ ەرەجەلەرى شەڭبەرىندە جۇزەگە اسىرادى.

تابيعي مونوپوليالار سالاسىنداعى زاڭنامالىق اكتىلەرگە ەنگىزىلگەن تۇزەتۋلەر تابيعي مونوپوليالاردىڭ جەكە سۋبەكتىلەرىن ساتىپ الۋ ءتارتىبىن رەتتەيدى.

بۇل رەتتە, جاڭا ەنگىزىلگەن تۇزەتۋلەر قولدانىلاتىن تابيعي مونوپوليالاردىڭ بازالىق سۋبەكتىلەرى (جەكە) 2023 جىلى جالپى سوماسى 93 ملرد تەڭگەدەن استام تاۋارلار ساتىپ الدى. ونىڭ 26 ملرد تەڭگەدەن استامىن وتاندىق وندىرۋشىلەر, 66 ملرد.تەڭگەدەن استامىن يمپورتتىق وندىرۋشىلەر قۇرايدى.

وسى نورمانىڭ ەنگىزىلۋىنە بايلانىستى, بيىلعى جىلى تابيعي مونوپوليالار سۋبەكتىلەرىن ساتىپ الۋلارىندا وتاندىق تاۋار وندىرۋشىلەردىڭ قاتىسۋ ۇلەسىن ارتتىرۋ جوسپارلانى جاتىر.

وتاندىق ءوندىرىستى ودان ءارى كەشەندى قولداۋ جانە دامىتۋ جونىندەگى جۇمىس قر ۇكىمەتىنىڭ باقىلاۋىندا.