ىنتىماقتى ەل قۋاتتى

القالى جيىننىڭ كۇن ءتار­تى­بى نەگىزىنەن بۇگىنگى تاڭدا تابي­عات­تىڭ توسىن مىنەزىنىڭ سالدارىنان كەلگەن زارداپتىڭ ورنىن تولتىرۋ جانە قيىندىققا ۇشى­را­عان وتانداستارىمىزعا قولۇشىن بەرۋدەگى قازاقستان حالقى اسسام­ب­لەيا­سىنىڭ رولىنە ارنالدى دەسەك بولادى.

مەملەكەت باسشىسى سۋ تاسقىنى كە­زىندە اسسامبلەيانىڭ اتقارعان اۋقىم­­­­دى ءارى ۇيلەسىمدى جۇمىسىنا ەرەك­شە توقتالدى. زارداپ شەك­­كەندەرگە جان-جاقتى قولداۋ كور­سەتۋ بويىنشا جەدەل تۇردە قحا رەسپۋبليكالىق جانە وڭىرلىك شتابتارى قۇرىلعانىن اتاپ ءوتتى. شىن مانىندە اتقارىلعان تىر­لىك از ەمەس. بۇكىل ەلدى قام­تىعان «جۇرەكتەن – جۇرەككە» اۋقىمدى اكتسيا­سىنا ەتنومادەني بىر­لەس­تىك­تەر­دىڭ 12 مىڭنان استام ەرىك­تىلەرى قاتىستى.

مەملەكەت باسشىسى اتاپ وتكەن­دەي, اسسامبلەيا ءوزىنىڭ ۇلت بىرلىگى مەن ىنتىماعى قۇندىلىقتارىنىڭ ءتيىمدى جولباسشىسى ەكەنىن ءىس جۇزىندە تاعى دا كورسەتتى.

اسسامبلەيا توراعاسى توقتالعان اسا ماڭىزدى باعىتتىڭ ءبىرى – قحا جۇمىسىن جاڭا ۇلتتىق يدەولوگيا دوكتريناسىمەن ۇيلەستىرۋ. پرەزيدەنت يدەولوگيالىق رەفورما ماسەلەسىن ايتا كەلىپ: «قازاقستاندا بۇرىن-سوڭدى مۇنداي اۋقىمدى رەفورما جاسالماعان. بىراق بۇعان توقمەيىلسىپ وتىرۋعا بولمايدى, رەفورمانى ساپالى جۇزەگە اسىرا بەرۋىمىز كەرەك. ەلىمىز قار­قىندى دامۋى ءۇشىن ونداعان جىل بويى قوردالاعان كوپتەگەن ماسەلەنى شەشۋىمىز قاجەت. ءبىز كۇش-جىگەرىمىزدى بىرىكتىرۋ ارقىلى عانا بولاشاق جەتىستىكتەردىڭ بەرىك تۇعىرىن قالاپ, ساياساتتا, ەكونوميكادا, مادەنيەتتە جانە الەۋمەتتىك سالادا تۇبەگەيلى وزگە­رىس­تەر جاساي الامىز. ءدال سول سەبەپتى اسسامبلەيا­­نىڭ بۇگىنگى سەس­سيا­سى «بىر­لىك. جاسامپازدىق. ورلەۋ» دەپ اتالدى», دەدى.

قوعامىمىزداعى اۋىزبىرشىلىك پەن بەرەكەلى ىنتىماعىمىزعا سىزات تۇسىرگىسى كەلەتىن تەرىس پيعىل­دىلار مەن الەۋمەتتىك جەلى­لەردە الاۋىزدىق تۋعىزۋعا تىرى­سا­تىن­دار­دىڭ قيتۇرقى ارەكەتىنە الدان­باۋعا شاقىردى. سونىمەن قاتار قارعىن سۋ زاردابىنان شى­عىن­عا ۇشىراعانداردىڭ بارلىق شىعىنى تولىقتاي وتەلەتىنىن, بۇل ءۇشىن ەشقانداي ۇنەمدەۋ بولمايتىنىن اتاپ ءوتتى.

اليشەر ساتۆالديەۆ,

سەنات دەپۋتاتى