مەملەكەت باسشىسى قاسىم-جومارت توقاەۆتىڭ باستاماسىمەن جۇزەگە اسىپ جاتقان «تازا قازاقستان» اكتسياسىنىڭ «جاسىل ايماق» اپتالىعىنا جاڭاقورعان اۋدانىنىڭ تۇرعىندارى دا بەلسەندى قاتىستى, دەپ حابارلايدى Egemen.kz.
اتالعان اكتسياعا اۋدان تۇرعىندارى قاتىسىپ, جاڭاقورعان كەنتىندەگى «پرايم پارك» ساياباعىندا, جاڭاقورعان كەنتىنىڭ ورتالىق كوشەلەرىندە اباتتاندىرۋ, تال وتىرعىزۋ جۇمىستارىنا اتسالىستى.
بۇل شاراعا اۋدان جاستارى دا بەلسەنە قاتىسىپ, اعاش وتىرعىزىپ, ۋاقىتتارىن كوتەرىڭكى كوڭىل كۇيدە وتكىزدى.
ايتا كەتۋ كەرەك, بۇعان دەيىن «كيەلى مەكەن» اپتالىعى اياسىندا اۋدان كولەمىندەگى كيەلى ورىنداردا سەنبىلىك ءىس-شارالارى وتكەن ەدى.
ەندى جوسپارعا سايكەس «جاسىل ايماق» اپتالىعى اياسىندا تازالىق جۇمىستارى باستاۋ الدى. جالپى اپتالىق اياسىنداعى ءىس-شارالارعا 5 000-نان اسا ادام جۇمىلدىرىلدى.