مەملەكەت باسشىسى قاسىم-جومارت توقاەۆ ەلىمىزدەگى سۋ تاسقىنى سالدارىن جويۋ جانە زارداپ شەككەن ازاماتتارعا كومەك كورسەتۋ ءۇشىن قارجىنى ۇنەمدەۋ ماقساتىندا ەلىمىزدە وتەتىن يميدجدىك جانە باسقا دا ءىرى ءىس-شارالاردى وتكىزبەۋدى جانە كەيىنگە شەگەرۋدى تاپسىردى. سونىڭ ىشىندە وسى جىلدىڭ كۇزىندە ءوتۋى ءتيىس بولعان «بولاشاقتىڭ ويىندارى» دا بار, دەپ جازادى Egemen.kz.
بيىل كۇزدە وتەتىن 5-ءشى دۇنيەجۇزىلىك كوشپەندىلەر ويىندارىن وتكىزۋ شىعىندارىن وڭتايلاندىرۋ, «بولاشاقتىڭ ويىندارى» حالىقارالىق مۋلتيسپورت ءتۋرنيرىن ۇيىمداستىرۋ جانە وتكىزۋ بويىنشا دايىندىق جۇمىستارىن 2025 جىلدان 2026 جىلعا اۋىستىرۋ تۋرالى شەشىم قابىلداندى. بۇل تۋرالى تۋريزم جانە سپورت مينيسترلىگى حابارلادى.ايتا كەتەيىك, بيىل اقپان ايىندا پرەزيدەنت تاتارستاننىڭ قازان قالاسىندا وتكەن «بولاشاقتىڭ ويىندارى» باسەكەسىنىڭ اشىلۋ سالتاناتىنا قاتىسىپ, كەلەسى جىلعى مۋلتيسپورت ءتۋرنيرى قازاقستاندا وتەتىنىن مالىمدەگەن ەدى. ويىندار تسيفرلىق جانە كلاسسيكالىق سپورتتى بىرىكتىرەتىن 21 يننوۆاتسيالىق فيدجيتال باعدارلاما بويىنشا ءوتتى. قازاقستان ويىنشىلارى مەن كوماندالارى سپورتتىڭ 13 ءتۇرى بويىنشا سايىسقا ءتۇستى.
تاتارستاندا وتكەن تۋرنيردە ەلىمىزدىڭ 48 وكىلى باق سىنادى.