اقتاۋداعى تۇرعىن ءۇي كەشەندەرىنىڭ بىرىندە ەر ادام كىشكەنتاي بالالارىنىڭ كوزىنشە ايەلىنە كۇش كورسەتكەن. ول ۇستالىپ, پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
«قىلمىستىق ءىس قوزعالدى. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى», دەپ مالىمدەدى پوليتسيا وكىلدەرى.
ايتا كەتەيىك, 21 ساۋىردە الەۋمەتتىك جەلىدە اقتاۋداعى تۇرعىن ءۇي كەشەندەرىنىڭ باسپالداق الاڭىندا بالالارىنىڭ كوزىنشە ايەلىن ساباعان ەر ادامنىڭ ۆيدەوسى تاراعان.
ۆيدەودا ەر ادام ايەلىنىڭ قولىن قايىرىپ, ەكىنشى قولىمەن ونىڭ اۋزىن جاۋىپ تۇرعانىن بايقاۋعا بولادى. جازبادا كەلىنشەكتىڭ ايعايلاعان, بالالاردىڭ جىلاعان داۋىسى ەستىلەدى.