قاراعاندى وبلىسىنىڭ پوليتسيا دەپارتامەنتى ەل ازاماتتارىنا تەلەفون سوعىپ, وزدەرىن پوليتسيا قىزمەتكەرلەرى رەتىندە تانىستىرىپ جۇرگەن الاياقتاردىڭ سۋرەتىن تاراتتى, دەپ حابارلايدى Egemen.kz.
سوڭعى ۋاقىتتا الاياقتاردىڭ قيتۇرقى ارەكەتتەرى جيىلەپ, تۇرعىنداردىڭ مازاسىن الدى. دەپارتامەنت قىزمەتكەرلەرى بەلگىسىز نومىردەن حابارلاسىپ, وزدەرىن پوليتسەي رەتىندە تانىستىراتىن ادامدارعا سەنبەۋ كەرەك ەكەنىن ەسكەرتتى.
«جىل باسىنان بەرى قاراعاندى وبلىسىندا 75 ادام الاياقتىق سحەمالاردىڭ قۇربانى بولدى, بۇل رەتتە 90 ميلليون تەڭگەگە جۋىق شىعىن كەلتىرىلدى. ولار جابىرلەنۋشىلەرمەن بەينەبايلانىس ورناتىپ, وزدەرىن بانك قىزمەتكەرلەرى نەمەسە قۇقىق قورعاۋ قىزمەتكەرلەرى رەتىندە تانىستىرعان», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
وسى تۇستا قۇقىق قورعاۋ قىزمەتكەرلەرى ەل ازاماتتارىنا WhatsApp ارقىلى, اسىرەسە شەتەلدىك ابونەنتتىك نومىرلەردەن قوڭىراۋ شالمايتىنى قاتاڭ ەسكەرتىلدى.
قىرمىزى جۇماعاليقىزى,
ەۇۋ ستۋدەنتى