مەملەكەت باسشىسى «قر-نىڭ كەيبىر زاڭنامالىق اكتىلەرىنە ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قر-نىڭ اكىمشىلىك قۇقىق بۇزۋشىلىق تۋرالى كودەكسىنە ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدارعا قول قويعانى ءمالىم. وسى ورايدا سەنات دەپۋتاتى التىنبەك نۇح ۇلى الەۋمەتتىك جەلىدە پىكىر ءبىلدىردى, دەپ حابارلايدى Egemen.kz.
«بۇل زاڭدار – ايەلدەر مەن بالالارعا قاتىستى قىلمىستاردى بولدىرماۋدى جانە الدىن الۋدى كوزدەيدى, سونىمەن قاتار, بالالاردىڭ قاۋىپسىزدىگىن قامتاماسىز ەتەتىن مەملەكەتتىك ساياساتتىڭ قۇقىقتىق, ەكونوميكالىق, الەۋمەتتىك جانە ۇيىمداستىرۋشىلىق نەگىزدەرىن جەتىلدىرۋگە باعىتتالعان.
وتباسىلار مەن بالالارعا كومەك كورسەتۋ, زورلىق-زومبىلىقتىڭ بارلىق ءتۇرى ءۇشىن جازانى قاتاڭداتۋعا باعىتتالعان 70-تەن استام تۇزەتۋلەر ەنگىزىلگەن», دەپ جازدى سەناتور التىنبەك نۇح ۇلى.