ەلىمىزدىڭ تۇكپىر-تۇكپىرىندە, الىس اۋىلداردا ەڭبەكپەن كۇن كەشىپ, مال شارۋاشىلىعىمەن اينالىسىپ, ۇرپاق تاربيەلەپ وتىرعان ەل تۇرعىندارىنىڭ كوبى بۋىن اۋرۋلارىنان قوزعالىستارى شەكتەلىپ, مۇگەدەكتىك جاعدايعا دەيىن جەتىپ جاتادى. سويتسە دە كوبى «پىشاققا تۇسكەن وڭاي ەمەس» – دەپ شىدامدىلىق تانىتىپ جۇرە بەرەتىنى جاسىرىن ەمەس. بۇل اۋرۋلارعا دارىگەرلەر ارنايى وتا جاسايتىنىن, ياعني يندوپروتەز ارقىلى جاساندى بۋىن ورناتاتىنىن, ايتقىم كەلەدى.
بۇل ورايدا ادامداردىڭ ءومىرىن ۇزارتىپ, قوزعالىسىن رەتتەپ, ءومىر ءسۇرۋ قۋانىشىنا بولەپ وتىرعان استانا قالاسى №1 قالالىق اۋرۋحاناسى ۇجىمىنىڭ تىنىمسىز ەڭبەگى قانداي العىسقا دا لايىق. ەلورداداعى سول اۋرۋحانانىڭ ورتوحيرۋرگيا بولىمىندە سۇيەك-بۋىن اۋرۋلارىنان, قوزعالىس مۇقتاجدىعىنا ۇشىراعاندارعا, ومىردەن قول ءۇزىپ ارباعا تاڭىلعاندارعا شەكسىز قۋانىش سىيلاپ وتىرعان اق حالاتتى ابزال جاندار ەڭبەك ەتەدى.
مەن وسى اۋرۋحانادا وتا جاساتىپ, تىزە بۋىنىن الماستىرىپ, ەڭبەككە قايتا ورالدىم. اۋرۋحانا دارىگەرلەرى وزدەرىنىڭ شەبەرلىگىمەن, اۋرۋحانانىڭ تالاپقا ساي جابدىقتالۋىمەن, اۋرۋلارعا دەگەن قامقورلىعىمەن ەرەكشەلەنەدى. مەديتسينا عىلىمدارىنىڭ دوكتورى ەرسىن ءجۇنىسوۆ ءبولىم دارىگەرلەرىمەن اۋرۋلارعا كۇندەلىكتى تەكسەرۋ جۇرگىزىپ, كەڭەس وتكىزىپ, تالداۋ جاساپ, مۇقيات ەمدەيدى. ورتوحيرۋرگيا ءبولىمىنىڭ جەتەكشىسى رۋسلان بوتاەۆ, ءبولىم مەڭگەرۋشىسى اسلان سۇلتانگەرەەۆ, جاس تراۆماتولوگتار ادىلبەك سۇمبەباەۆ, قايرات راحىموۆ, جانىبەك تۇيمەنوۆ حالىققا ىستەگەن ادال ەڭبەكتەرىنىڭ ارقاسىندا ۇلكەن بەدەلگە يە بولعان جاندار. ولاردىڭ ەشقانداي ۋاقىتپەن ساناسپاي, ەرتەلى-كەش اۋرۋلارعا قىزمەت جاساپ, ماڭداي تەرلەرىن توگىپ ءجۇرگەن جانقيارلىق ەڭبەگىن كورگەندە قازاقتىڭ وسىنداي اسىل ازاماتتارىنا ءتانتى بولادى ەكەنسىڭ.
انەستەزيولوگ نۇردان بوستاەۆتىڭ كەڭەسىنەن كەيىن ماعان ەكى ساعاتتان ارتىق ۋاقىت وتا جاسالدى. بىراق ەشقانداي اۋرۋ بىلىنبەدى. وتا جاسالعاننان كەيىن بۋىپ-تاڭىپ, قوزعالىس جاتتىعۋلارىن جاساپ, ەكى بالداقتىڭ كومەگىمەن جۇرە باستادىم. 12 كۇننەن كەيىن تىگىلگەن ءجىبىن الىپ, اۋرۋحانادان تەمىرجول ۆوكزالىنا اكەلىپ, تەز جازىلۋىما ىزگى تىلەك ءبىلدىرىپ, شىعارىپ سالدى.
قوزعالىسىم شەكتەلىپ, ءجۇرۋ, قوزعالۋ مۇقتاجدىعىنا تاپ بولعان كەزدە حالىققا قامقورلىق پەن جاقسى تۇرمىس, تىنىشتىق پەن باقىت سىيلاپ وتىرعان, زامانعا ساي جەدەل دامىپ كەلە جاتقان مەملەكەتىمىزدىڭ قول جەتكەن تابىستارىنا اسا ريزاشىلىعىمدى ءبىلدىرەمىن.
رەسپۋبليكامىزدىڭ شالعاي ەلدى مەكەندەرىندە تۇراتىن جاندارعا ەلىمىزدىڭ دامىعان ءبىلىمى مەن عىلىمىنىڭ جەتىستىكتەرىن پايدالانا ءبىلگەننىڭ ءوزى ءبىر عانيبەت دەر ەدىم.
كۇلاش ومىرباەۆا,
ق.جۇبانوۆ اتىنداعى
اقتوبە وڭىرلىك مەملەكەتتىك ۋنيۆەرسيتەتىنىڭ
پروفەسسورى, پەداگوگيكا عىلىمدارىنىڭ كانديداتى.