موڭعوليا استاناسى ۇلان-باتىردا ءوتىپ جاتقان بوكستان ازيا چەمپيوناتىندا قازاقستان قورجىنىنا كەزەكتى التىن جۇلدە ءتۇستى, دەپ جازادى Egemen.kz.
75 كەلىدە سابىرجان اققالىقوۆ وزبەكستان وكىلى جاۆوحير ابدۋراحيموۆپەن جۇدىرىقتاستى. تارتىستى وتكەن باسەكەدە وتانداسىمىز 5:0 ەسەبىمەن ايقىن جەڭىسكە جەتىپ, التىن جۇلدە يەلەندى.
ەندى ۇلتتىق قۇرامانىڭ 2 وكىلى شارشى الاڭعا شىعادى. بۇگىن 60 كەلى سالماقتا باق سىناعان ورازبەك اسىلقۇلوۆ التىن مەدال ولجالادى. وسىدان كەيىن رينگكە كوتەرىلگەن تورەحان سابىرحان كۇمىس مەدال ەنشىلەدى. بۇدان بولەك, ەرلەر كومانداسى ساپىنداعى ماحمۇد سابىرحان, ەرتۋعان زەينۋللينوۆ پەن ساعىندىق توعامباي قولا مەدالگە قول جەتكىزدى. سونداي-اق كۇنى كەشە قىزدار قۇراماسى ازيا بىرىنشىلىگىن 2 التىن, 1 كۇمىس, 2 قولا مەدالمەن قورىتىندىلادى. جەڭىستىڭ ءبىرىنشى تۇعىرىنان كورىنگەن بۇرىمدى بوكسشىلاردى پرەزيدەنت قۇتتىقتادى.