استانا قالاسى بايقوڭىر اۋدانىنىڭ پروكۋراتۋراسى الاياقتىق فاكتىسى بويىنشا قوزعالعان قىلمىستىق ءىس بويىنشا مەملەكەتتىك ايىپتاۋدى قولدادى, دەپ حابارلايدى Egemen.kz.
سوت ماتەريالدارىنا سايكەس, دەكرەتتىك دەمالىستا بولعان ايەل ءبىر جىل بويى ءوز ارىپتەستەرىن ادەيى الداپ كەلگەن. ول وتباسىندا قايعىلى جاعدايلار بولعانىن, اتاپ ايتقاندا اناسىنىڭ قايتىس بولعانىن جانە بالاسىنىڭ اۋىر حالدە جاتقانىن ايتىپ, جالعان اقپارات تاراتقان.
وسىلايشا, ارىپتەستەرىنىڭ جاناشىرلىعىن پايدالانىپ, ولاردان قارجىلاي كومەك العان. سەنىپ قالعان ارىپتەستەر بالا ەمدەۋگە جانە وتباسىلىق ماسەلەلەردى شەشۋگە دەپ ويلاپ, وعان اقشا اۋدارىپ وتىرعان.
«7-20-25» يپوتەكاسى: الاياقتار كەزەكتى جەدەلدەتىپ بەرەمىن دەگەن جەلەۋمەن حالىقتى الداۋعا كوشتى
ناتيجەسىندە جابىرلەنۋشىلەرگە 2 ملن تەڭگەدەن استام ماتەريالدىق شىعىن كەلتىرىلگەن.
سوت ۇكىمىندە ايىپتالۋشىنىڭ كىناسىن مويىنداۋى, وكىنىش ءبىلدىرۋى جانە زالالدى ءىشىنارا وتەۋى جەڭىلدەتەتىن ءمان-جاي رەتىندە ەسكەرىلدى. سونىڭ نەگىزىندە وعان 3 جىلعا باس بوستاندىعىن شەكتەۋ جازاسى تاعايىندالىپ, پروباتسيالىق باقىلاۋ بەلگىلەندى.
ۇكىم زاڭدى كۇشىنە ەندى.
الاياققا الدانعان جاعدايدا اقشانى قايتارۋ مۇمكىن بە؟
پروكۋراتۋرا ازاماتتارعا قايىرىمدىلىق نەمەسە كومەك جيناۋ جاعدايلارىندا ساق بولۋدى جانە اقپاراتتىڭ شىنايىلىعىن مىندەتتى تۇردە تەكسەرۋدى ەسكەرتەدى.