پرەزيدەنت اتا زاڭىمىزدىڭ پرەامبۋلاسىندا العاش رەت مادەنيەت, ءبىلىم بەرۋ, عىلىم جانە يننوۆاتسيا قۇندىلىقتارى ناقتى باعدار رەتىندە بەلگىلەنگەنىن اتاپ ءوتتى, دەپ حابارلايدى Egemen.kz.
مەملەكەت باسشىسى كونستيتۋتسيانى ازىرلەۋگە جانە قابىلداۋعا ايتارلىقتاي ۇلەس قوسقان بارشا عىلىمي-اكادەميالىق قاۋىمداستىققا ريزاشىلىعىن ءبىلدىردى.
مەملەكەت باسشىسى: ەلىمىز ءۇشىن قولدانبالى عىلىمدى دامىتۋ – اسا ماڭىزدى مىندەت
«وزدەرىڭىزگە ءمالىم, قازاقستاندا 15 ناۋرىز كۇنى تاريحي ءمانى زور رەفەرەندۋم ءوتتى. ازاماتتاردىڭ باسىم بولىگىنىڭ قولداۋىمەن مەملەكەتىمىزدىڭ ىرگەسىن نىعايتاتىن, ەلدى بارلىق سالادا, سونىڭ ىشىندە عىلىمدا ورنىقتى دامۋ تراەكتورياسىنا شىعاراتىن جاڭا كونستيتۋتسيا قابىلداندى. وتپەلى ەرەجەلەرگە ساي, جاڭا اتا زاڭ 2026 جىلدىڭ 1 شىلدەسىنەن باستاپ كۇشىنە ەنەدى. سول ۋاقىتقا دەيىن نەگىزگى زاڭداردىڭ بارلىعى كونستيتۋتسيا نورمالارىنا سايكەستەندىرىلۋگە ءتيىس. بۇل باعىتتا پارلامەنت اۋقىمدى زاڭ شىعارۋ جۇمىسىنا كىرىستى. دەپۋتاتتار زاڭ جوبالارىن مۇقيات ءارى جەدەل قاراستىرادى دەپ سەنەمىن», دەدى پرەزيدەنت.
قۇرىلتاي سايلاۋى تامىز ايىندا وتەدى