مەملەكەت باسشىسى قاسىم-جومارت توقاەۆ عالىمداردى ماراپاتتاۋ راسىمىندە سويلەگەن سوزىندە قۇرىلتاي سايلاۋى تامىز ايىندا وتەتىنىن ايتتى, دەپ حابارلايدى Egemen.kz.
«مەملەكەت باسشىسى رەتىندە ەلىمىز ءۇشىن ەلەۋلى وقيعالار تۋرالى الدىن الا اقپارات بەرۋ وتە ماڭىزدى دەپ سانايمىن. كونستيتۋتسيا كۇشىنە ەنگەن ساتتەن باستاپ ءبىر پالاتالى قۇرىلتاي سايلاۋىن وتكىزۋ جونىندەگى جارلىققا قول قويامىن. سايلاۋ بيىل تامىز ايىندا وتەدى. مۇنى ادەيى ەرتە ايتىپ وتىرمىن. ويتكەنى پارتيالاردىڭ جوسپارلارىن ايقىنداپ, سايلاۋ ناۋقانىنا دايىندىق جۇرگىزۋىنە جەتكىلىكتى ۋاقىتى بولۋى كەرەك. وسىلايشا, پارتيالاردىڭ سايلاۋشىلارمەن ءتيىستى جۇمىس جۇرگىزۋىنە بەس ايعا جۋىق ۋاقىت بەرىلەدى», دەدى مەملەكەت باسشىسى.
مەملەكەت باسشىسى: ەلىمىز ءۇشىن قولدانبالى عىلىمدى دامىتۋ – اسا ماڭىزدى مىندەت
ونىڭ ايتۋىنشا, قۇرىلتاي سايلاۋى قازاقستاننىڭ بۇكىل ساياسي جۇيەسىن جاپپاي «قايتا قۇرۋعا» جول اشادى.
قاسىم-جومارت توقاەۆ: عىلىم ەكونوميكا مەن قوعامنىڭ سۇرانىسىنا ساي بولۋعا ءتيىس
«بۇل رەتتە ءبىز جۇزەگە اسىرىپ جاتقان ساياسي جانە ەكونوميكالىق رەفورمالار قوعامدىق سانانىڭ وڭ سيپاتتا وزگەرۋىنە اسەر ەتۋگە ءتيىس. مەن مۇنىڭ ماڭىزى جونىندە بىرنەشە رەت ايتتىم», دەدى پرەزيدەنت.