باتىس قازاقستان وبلىسىندا سۋ تاسقىنىنا قارسى قورعانىس قۇرىلىستارىن نىعايتۋ, سونداي-اق باسقا دا شۇعىل جۇمىستاردى جۇرگىزۋ جانە سۋ تاسقىنى سالدارىن جويۋ جونىندەگى ءىس-شارالار جالعاسىپ جاتىر, دەپ جازادى Egemen.kz.
وبلىستا قورعانىس قۇرىلىستارىن جۇرگىزۋگە 7 895 ادام جانە 1 781 بىرلىك تەحنيكا, سونىڭ ىشىندە 1011 بىرلىك ارنايى تەحنيكا جۇمىلدىرىلدى.
قازىرگى ۋاقىتتا جايىق وزەنىنىڭ جاعاسىندا ۇزىندىعى 100 شاقىرىم بولاتىن بوگەت جاساقتالىپ, 771 مىڭ قۇم تولتىرىلعان قاپشىق سالىندى.
2024 جىلدىڭ 16 ساۋىردەگى جاعداي بويىنشا جايىق وزەنىندەگى سۋ دەڭگەيى 776 سم-گە دەيىن جەتتى جانە سۋ دەڭگەيى ءالى كوتەرىلىپ جاتىر. وتكەن جىلى ەڭ جوعارى دەڭگەي 557 سم بولعان ەدى. قاۋىپتى دەڭگەي - 850 سم.
«سۋ رەسەي فەدەراتسياسىننان كەلەدى, وندا سۋ تاسقىنىنا بايلانىستى يريكلين سۋ قويماسىنان اعىزۋ جۇرگىزىلىپ جاتىر. ناقتىلانعان اقپاراتقا سايكەس, يريكلين سۋ قويماسىنىڭ سۋىن رەسەي فەدەراتسياسىنان اعىزۋ بىرتىندەپ ازايىپ كەلەدى. دەگەنمەن, وبلىستا سۋ باسۋ قاۋپى جوعارى دەڭگەيدە قالىپ وتىر», دەلىنگەن بقو اكىمدىگىنىڭ ءباسپاسوز قىزمەتى تاراتقان حابارلامادا.