بوكستان قازاقستان ۇلتتىق قۇراماسى ءتورت جىلدىقتىڭ ءدۇبىرلى دوداسىنا دايىندىقتى باستاپ كەتتى. پاريج وليمپياداسىنا جولداما العان قازاق بوكسشىلارى تۇركىستان وبلىسىندا وزبەك وعلاندارى, كۋبا قىراندارىمەن بىرلەسكەن جاتتىعۋ وتكىزىپ جاتىر, دەپ جازادى Egemen.kz.
«الما تاۋ» بازاسىندا ءوتىپ جاتقان بىرلەسكەن وقۋ-جاتتىعۋ جيىنىنا قازاقستان ساپىنان پاريج وليمپياداسىنا جولداما العان 6 بوكسشى مەن تايلاندتاعى سوڭعى ليتسەنزيالىق جارىسقا اتتاناتىن مۇحاممەدسابىر بازارباي ۇلى قاتىسىپ جاتىر.
وزبەكستان كومانداسى جاتتىعۋ جيىنىنا 12 بوكسشىسىن الىپ كەلگەن. ولاردىڭ قاتارىندا الەم چەمپيوندارى رۋسلان ابدۋللاەۆ پەن ابدۋماليك حالوكوۆ, وليمپيادا چەمپيونى ءباحادۇر جالولوۆ بار.
كۋبا قۇراماسى الەحاندرو كلارو فيس, سەيدەل نورتا, ارلەن لوپەز بەن حۋليو سەزار لا كرۋزدى الىپ كەلگەن.
ۇلتتىق وليمپيادالىق كوميتەت بىرلەسكەن جاتتىعۋ جيىنى 21 ساۋىرگە دەيىن جالعاساتىنىن حابارلادى.