«قازگيدرومەت» رمك الداعى ءۇش كۇنگە ارنالعان اۋا رايى بولجامىن ۇسىندى. سينوپتيكتەردىڭ بولجامىنشا, 16-18 ءساۋىر ارالىعىندا قازاقستاندا كۇن رايى 30 گرادۋسقا دەيىن جىليدى, دەپ جازادى Egemen.kz.
مەتەورولوگتاردىڭ مالىمەتىنشە, الداعى ءۇش كۇندە رەسپۋبليكا اۋماعىنىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى.
وسىعان بايلانىستى جاڭبىر جاۋادى, تۇندە رەسپۋبليكانىڭ سولتۇستىگىندە, شىعىسىندا جانە ورتالىعىندا جاۋىن-شاشىن (جاڭبىر, قار) بولادى, 16 ءساۋىر كۇندىز ەلىمىزدىڭ وڭتۇستىگىندە, وڭتۇستىك-شىعىسىندا نوسەر جاڭبىر جاۋادى. تەك رەسپۋبليكانىڭ وڭتۇستىك-باتىسىندا كۇن اشىق بولىپ, جاۋىن-شاشىنسىز اۋا رايى ساقتالادى.
رەسپۋبليكانىڭ كەي وڭىرلەرىندە ەكپىندى جەل سوعىپ, تۇندە جانە تاڭەرتەڭ تۇمان تۇسەدى, كۇندىز نايزاعاي وينايدى.
«الداعى 3 كۇندە تەرمومەتردە تەمپەراتۋرا تۇراقتى بولمايدى. باتىس, وڭتۇستىك ايماقتا كۇندىز 22-30 گرادۋسقا دەيىن, سولتۇستىكتە, وڭتۇستىك-شىعىستا, ورتالىقتا 15-25 گرادۋسقا دەيىن كۇن جىليدى. تەك ەلدىڭ شىعىسىندا تۇندە جانە كۇندىز اۋا تەمپەراتۋراسى تۇراقتى بولمايدى», دەلىنگەن حابارلامادا.