"قازگيدرومەت" رمك 15 ساۋىرگە ارنالعان قازاقستان بويىنشا اۋا رايىنىڭ جالپى بولجامىن جاريالادى, دەپ حابارلايدى Egemen.kz.
"قازگيدرومەت" بولجامىنا سايكەس, ەلىمىزدىڭ باسىم بولىگىندە جاۋىن-شاشىندى اۋا رايى ساقتالادى.
- اتموسفەرالىق فرونتتالدى بولىكتەردىڭ وتۋىنە بايلانىستى قر-دىڭ باسىم بولىگىندە جاۋىن-شاشىندى اۋا رايى ءالى دە ساقتالادى. ەلىمىزدىڭ وڭتۇستىك-شىعىسى مەن وڭتۇستىگىندەگى تاۋلى ايماقتاردا قاتتى جاڭبىر جاۋادى دەپ كۇتىلەدى, ەلىمىزدىڭ سولتۇستىگىندە تۇنگى ۋاقىتتا جاۋىن-شاشىن (جاڭبىر, قار) بولادى. قر بويىنشا نايزاعاي ويناپ, تۇمان ءتۇسۋ, قاتتى جەل سىندى ورتاق تابيعي قۇبىلىس سيپات الادى, اسىرەسە ەلىمىزدىڭ وڭتۇستىگىندە قاتتى جەل سوعادى, - دەپ جازىلعان "قازگيدرومەت" حابارلاماسىندا.
سونداي-اق الداعى ءۇش كۇندە قازاقستاننىڭ ءىرى ءۇش قالاسىندا دا جاڭبىر جاۋىپ, نايزاعاي ويناپ, جەل سوعادى دەپ بولجانادى.