شىمكەنت قالاسىنىڭ وقۋشىلارى 1 مامىردان باستاپ قوعامدىق كولىكتەردە تەگىن جۇرەتىن بولدى. قالا اكىمى عابيت سىزدىقبەكوۆ فەيسبۋكتەگى رەسمي پاراقشاسىندا وسى قۋانىشتى حاباردى ءبولىستى, دەپ حابارلايدى Egemen.kz.
شاھار باسشىسىنىڭ مالىمدەۋىنشە, قوعامدىق كولىكتەر ءى توپتاعى مۇگەدەكتەردى, «باتىر انا», «التىن القا», «كۇمىس القا» ءتوس بەلگىسى بار انالاردى, تىل ارداگەرلەرىن, زاعيپ جاندار مەن ولاردى الىپ جۇرەتىن كىسىلەردى بۇل كۇندە تەگىن تاسىمالدايدى.
سونىمەن بىرگە قازىرگى تاڭدا جەتى مەن ون سەگىز جاستاعى مەكتەپ وقۋشىلارى جولاقى قۇنىنىڭ جارتىسىن تولەسە, ستۋدەنتتەردىڭ بيلەت باعاسى 50 تەڭگەنى قۇرايدى. ەندىگى رەتتە جەرگىلىكتى اكىمدىك حالىقتىڭ الەۋمەتتىك جاعدايىن ەسكەرە وتىرىپ قوعامدىق كولىكتە تەگىن جۇرەتىن ازاماتتاردىڭ ساناتىن تاعى دا ارتتىرماقشى. سونىمەن تەگىن ءجۇرۋ قۇقى بار جوعارىداعى كىسىلەردەن بولەك بيىل 1 مامىردان باستاپ تومەندەگى ازاماتتار اۆتوبۋستاردا اقىسىز قاتىنايتىن بولادى.
اتاپ ايتقاندا, ۇلى وتان سوعىسىنىڭ ارداگەرلەرى, جەڭىلدىكتەر بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەر, باسقا مەملەكەتتەردiڭ اۋماعىندا ۇرىس قيمىلدارىنا قاتىسقاندار, «قازاقستاننىڭ ەڭبەك ەرلەرى», ۇوس جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسرو وردەندەرىمەن جانە مەدالدارىمەن ناگرادتالعاندار, 1941 جىلعى 22 ماۋسىم - 1945 جىلعى 9 مامىر ارالىعىندا كەمiندە التى اي جۇمىس iستەگەن (قىزمەت وتكەرگەن) جانە ۇلى وتان سوعىسى جىلدارىندا تىلداعى قاجىرلى ەڭبەگi مەن مiنسiز اسكەري قىزمەتى ءۇشىن بۇرىنعى كسر وداعىنىڭ وردەندەرiمەن جانە مەدالدارىمەن ناگرادتالماعان ادامدار, ساياسي قۋعىن-سۇرگiن قۇرباندارى, ءىى توپ مۇگەدەكتەرى, مۇگەدەكتىگى بار بالالار, 70 جاستان اسقان زەينەتكەرلەر, مەكتەپ وقۋشىلارى.
ءوز كەزەگىندە قالا اكىمى جولاۋشىلار تاسىمالىن ۇيىمداستىرۋ مەن ونىڭ ساپاسى اكىمدىكتىڭ تىكەلەي باقىلاۋىندا تۇرعانىن, وسىناۋ قىزمەتتى جاقسارتۋعا اتقارۋشى بيلىك تاراپىنان بارلىق مۇمكىندىكتەر جاسالىپ جاتقانىن جەتكىزدى.