كەڭىنەن ناسيحاتتاۋ قاجەت

قوعام, جاڭا زامان كادرلاردى, ونىڭ ىشىندە عىلىمي مامانداردى دايارلاۋدىڭ جاڭا تاسىل­دەرىن, جاڭاشا كوزقاراستار­دى, باعىتتاردى تالاپ ەتىپ وتىر. Z ۇرپاعى – عىلىمنىڭ بولاشاعى. ءبىلىم بەرۋدە جاڭا تاسىلدەر جاساپ, تىم ەسكى, قازىردە وزەكتىلىگىن جويعان تاسىلدەردەن الىستاۋ قاجەت. البەتتە, ۇسىنىستار بەرگەن ورىندى, دەگەنمەن ءار ادام وزگەرىستى سىرتتان كۇتپەي, «مەن نە ىستەي الامىن؟» دەگەن سۇراقتان, ياعني وزىنەن باستاعانى دۇرىس-اق.

«ستۋدەنت – تولتىرۋدى قاجەت ەتەتىن ىدىس ەمەس, جانۋى كەرەك الاۋ. ال الاۋدى ءوزىن-ءوزى ور­تە­گەن ادام عانا جاعا الادى» دەپ پلۋتارح ايتقانداي, قازىر­گى ۋاقىتتا Z ۇرپاعى اراسىندا عىلىمدى ناسيحاتتاۋعا بارلىق مۇمكىندىك بار. مىسالى, جاس عالىم جانە پەداگوگ رەتىندە مەن پودكاستتار مەن سۇحباتتار سەرياسىن, «تاعام قاۋىپسىزدىگى» عىلىمي ۇيىرمەسىن جانە https://t.me/Dr_Laura_bot تەلەگرام بوتىن ىسكە قوستىم. پودكاست عىلىم مەن وندىرىستە تاعام قاۋىپسىزدىگىن ناسيحاتتاۋدى كوزدەيدى. ءبىزدىڭ قوناقتار عىلىمداعى, بيزنەس­تەگى جەتىستىكتەرىن باياندايدى. ال «Food safety» عىلىمي ۇيىرمەسىنە ۋنيۆەرسيتەتىمىز­دەگى «ۆەتەريناريا جانە مال شا­رۋاشىلىعى تەحنولوگياسى» فاكۋلتەتىنىڭ ستۋدەنتتەرى قاتى­سادى. ءبىز «استانا قالاسىنىڭ تانىمال كوفەحانالارىندا كو­فەنىڭ افلاتوكسيننەن لاستانۋى» سەكىلدى ءارتۇرلى وزەكتى تاقىرىپ توڭىرەگىندە عىلىمي زەرتتەۋلەر جۇرگىزەمىز. وسىنداي كىشكەنتاي قادامدار عىلىمدى جاستاردىڭ تىلىندە, زاماناۋي ادىستەرمەن, تەحنولوگيالارىمەن, تاسىلدەرمەن تۇسىندىرۋگە, جاس بۋىندى عىلىمعا تارتۋعا مۇمكىندىك بەرەدى.

لاۋرا اۋتەلەەۆا,

س.سەيفۋللين اتىنداعى قازاق ۇلتتىق اگروتەحنيكالىق زەرتتەۋ ۋنيۆەرسيتەتىنىڭ قاۋىمداستىرىلعان پروفەسسورى, PhD