«پاۆلودار-تۇركىستان» باعىتىنداعى جولاۋشىلار پويىزىنىڭ ەكى جولسەرىگى تولعاعى قىسقان جولاۋشى ايەلدى امان-ەسەن بوساندىرىپ الدى, دەپ حابارلايدى Egemen.kz «قازاقستان تەمىر جولى» كومپانياسىنىڭ ءباسپاسوز قىزمەتىنە سىلتەمە جاساپ.
ايى-كۇنى جەتكەن زەينەپ ابدىكارىموۆا №46 پويىزعا ءمىنىپ, اناسىمەن بىرگە پاۆلوداردان تۇركىستانعا اتتانىپ بارا جاتقان. كەلىنشەك جولدا تولعاتا باستاعان. ۆاگوننىڭ ەكى جولسەرىگى انار اماندىقوۆا مەن نازەركە تالعارباەۆا ايەلدى امان-ەسەن بوساندىرىپ, قاجەتتى العاشقى مەديتسينالىق كومەك كورسەتتى. قىز بالا 10 ساۋىردە ساعات 16:30-دا دۇنيەگە كەلدى.
«پويىز بريگاداسى جاقىن ماڭداعى ستانتسياعا جەدەل جاردەم شاقىرعان. سارى-شاعان ستانتسياسىنا جەتكەندە, جاس انا مەن قىز بالانى جەدەل جاردەم قىزمەتكەرلەرى قابىلداپ الدى. جاڭا تۋعان نارەستەنىڭ ەسىمىن مەرەكە دەپ اتاعان», دەپ حابارلادى كومپانيانىڭ ءباسپاسوز قىزمەتى.
ايتا كەتەيىك, سوڭعى 3 جىلدا «جولاۋشىلار تاسىمالى» اق پويىزدارىندا 13 ءسابي دۇنيەگە كەلگەن.