ءجۇز جىلدا ءبىر بولاتىن الاپات سۋ تاسقىنى بيىلعى 2024 جىلعا تۋرا كەلىپتى. بۇكىل ەل بولىپ ەلىمىزدىڭ ون وڭىرىندە ورىن العان توتەنشە جاعدايمەن كۇرەسۋدە. «ەڭبەكتەگەن بالادان, ەڭكەيگەن قارياعا دەيىن» وسى زالالدىڭ اۋقىمىن ازايتىپ, جاپا شەككەندەرگە كومەكتەسۋگە اتسالىسۋدا. بۇل جاعداي ءبىزدىڭ حالقىمىزدىڭ بىرلىگى مەن ىنتىماعىن, باۋىرماشىلدىعى مەن جاناشىرلىعىن, قايراتتىلىعى مەن قايسارلىعىن كورسەتتى. ۇلتىنا, ۇلىسىنا قاراماي قازاقستانداعى بار حالىق قولىنان كەلگەن جاردەمىن كورسەتىپ, ازىق-ت ۇلىك پەن زاتتار جىبەرىپ, شاماسى كەلمەگەندەر تىلەكتەستىگىن ءبىلدىرىپ, شاماسى كەلگەندەر قارجى اۋدارىپ, يىق تىرەسە كومەكتەسۋدە.
مەملەكەت باسشىسى ق.ك. توقاەۆ ءوزىنىڭ حالىققا ارناعان ۇندەۋىندە تابيعي اپاتتان زارداپ شەككەندەردىڭ بارلىعىنا كومەك كورسەتىلەتىندىگىن, مال-م ۇلىكتەرىنىڭ وتەمى بولاتىنىن, ءۇيى كەتكەندەرگە ءۇي سالىنىپ بەرىلەتىن ايتىپ, مەملەكەتىمىزدە مۇمكىندىكتىڭ بار ەكەندىگىن, بارلىق كۇشتىڭ جۇمىلدىراتىندىعىن جەتكىزدى. سابىرلىق تانىتىپ, ىنتىماق پەن بىرلىك كورسەتىپ وتىرعان ەلگە راقمەت ايتتى. پرەزيدەنتىمىزدىڭ ءوزى دە باتىس قازاقستان وبلىسىنا بارىپ, تۇرعىندارمەن كەزدەسىپ, جاعدايدى ءوز كوزىمەن كورىپ قايتتى. پرەمەر-مينيستر مەن ونىڭ ورىنباسارلارى, جاۋاپتى مينيسترلىك باسشىلارى تۇگەل سۋ باسقان ايماقتاردا ءجۇر, جاعدايدى رەتتەۋ ءۇشىن ءتيىستى شارالار قابىلداۋدا. وزدەرى سايلانعان وڭىرلەرگە بارىپ, ەلدىڭ ەڭسەسىن كوتەرىپ, قال-جاعداي سۇراسىپ, ءتيىستى كومەك كورسەتۋگە اتسالىسقان قر پارلامەنتى سەناتىنىڭ دەپۋتاتتارى دا كۇندىز-ءتۇنى ءبىر تىنباي, تولارساقتان سۋ كەشىپ جۇمىس جاساپ جۇرگەن اكىمدەر مەن اكىمدىك قىزمەتكەرلەرىنىڭ, ەرىكتى ۆولونتەرلاردىڭ, قوعام بەلسەندىلەرىنىڭ جانكەشتى ارەكەتتەرىن ريزاشىلىقپەن اتاپ وتۋدە. ءبىر سوزبەن ايتقاندا بۇل توتەنشە جاعداي ءبىزدىڭ ەلىمىزدىڭ بىرلىگى مەن ءپاتريوتيزمىنىڭ جارقىن كورىنىسى بولدى دەپ ايتۋعا بولادى.«مالىم جانىمنىڭ ساداقاسى, جانىم ارىمنىڭ ساداقاسى» – دەپ وتكەن بابالاردىڭ ۇرپاعى مالىن دا, جانىن دا اياماي وسى توتەنشە جاعدايمەن كۇرەسىپ, زارداپ شەككەندەرگە كومەك كورسەتىپ جاتقان جومارت جاندارعا العىستان باسقا ايتار ءسوز جوق. «جاقسىلىق ايتىپ جاسالىنبايدى» – دەمەكشى, ۇلەس قوسىپ جاتقان ازاماتتاردىڭ كوپشىلىگىنىڭ اتى بەلگىسىز, ارتىلىپ, جونەلتىلىپ جاتقان زاتتار مەن م ۇلىكتەردىڭ, ازىق-ت ۇلىكتەردىڭ يەلەرى دە بەيمالىم. بىراق وسى قيىندىقتا ۇلەس قوسىپ, قينالعان ادامعا اراشا ءتۇسىپ جاتقان جانى-جومارت جاندارعا اللا رازى بولسىن دەگىمىز كەلەدى.ەڭ ۇلكەن ريزاشىلىقتى ءبىز سۋ باسىپ, ءۇيسىز, جايسىز قالسا دا, مال-مۇلكىنەن ايىرىلىپ وتىرسا دا ۇلكەن سابىرلىق تانىتىپ, كوپپەن كورگەن قيىندىقتارعا مويىماي تاۋبە ەتىپ, باردى قاناعات تۇتىپ, جوققا رەنىش بىلدىرمەي, مەملەكەتكە, مەملەكەتتىك ورگاندارعا سەنىم ارتىپ, اراداعى اشۋعا بەرىلگەندەرگە باسۋ ايتىپ, ەرتەڭگە ءۇمىت ارتىپ, ەلدىك قاسيەت تانىتىپ وتىرعان مىڭداعان تۇرعىندارعا ايتقىمىز كەلەدى. شىنىندا دا بۇل جاعداي حالىققا دا, مەملەكەتكە دە اۋىر سالماق ءتۇسىرىپ وتىر. زارداپ شىعىنىن وتەۋدىڭ ءوزى مەملەكەت قازىناسى ءۇشىن ۇلكەن كۇش. بىراق ءبىزدىڭ مەملەكەتىمىزدىڭ مۇمكىندىگى زور, حالقىمىزدىڭ جىگەرى جەتەرلىك. بۇل قيىندىقتان دا شىنىعىپ شىعاتىنىنا كامىل سەنەمىز. ەڭ نەگىزگىسى ادامدارىمىز امان, دەندەرى ساۋ بولسىن. وسىندايدا بىرلىك پەن سابىردى تۋ ەتكەن ەل عانا بارلىق قيىندىقتى ەڭسەرەدى. ەرتەڭ بۇدان دا جاقسى كۇندەر كەلىپ, تۇرمىس تۇزەلەدى. ء«بىر جوقشىلىقتىڭ, ءبىر توقشىلىعى بولادى», – دەگەن كورەگەن بابالارىمىزدىڭ اسىل قاسيەتتەرى دامىعان حالقىمىز امان, جۇرتىمىز تىنىش بولعاي. جارقىن كۇندەرىمىز جاقىنداپ, قۋانىشتارىمىز ارتا ءتۇسسىن.بارشا قازاقستاندىقتاردى ورازا ايتىمەن قۇتتىقتايمىن. وتىز كۇن ورازاداعى تىلەگەن تىلەكتەر مەن نيەتتەر قابىل بولسىن. رامازاننان-رامازانعا, ايتتان-ايتقا امان ەسەن جەتە بەرەيىك. قيىندىقتاردى ەرتەرەك ەڭسەرىپ, جاقسى كۇندەرىمىز كوپ بولسىن.
ءالي بەكتاەۆ
قر پارلامەنتى سەناتىنىڭ دەپۋتاتى,
اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى