بۇل ۇشتاعان – اتلانت مۇحيتىنداعى وڭتۇستىك امەريكا مەن سولتۇستىك امەريكانى ءبىر-بىرىنە جالعايتىن بەرمۋدتان باستالىپ, پورتا-ريكا ارالدارى جانە مايامي جاعالاۋىنا دەيىن جالعاسىپ جاتقان ءۇشبۇرىشتى ءمۇيىس.
ەل اراسىندا بۇل مۇيىسكە قاتىستى ءتۇرلى قاۋەسەت بار. ويتكەنى اتلانت مۇحيتىنىڭ وسى ايماعىندا تالاي كەمە مەن ۇشاق ءىز-ءتۇزسىز جوعالىپ كەتكەن. دەگەنمەن وسى ارالدار ماڭىندا تەڭىزدىڭ ادەتتەن تىس الابوتەن مىنەز كورسەتەتىنىن بىرنەشە عاسىر بۇرىن وسمانلى مەملەكەتىنىڭ تەڭىزشىلەرى ايتىپ كەتكەن-ءدى. الەم جۇرتشىلىعى بەرمۋد ۇشتاعانىنداعى تىلسىم قۇپيانى وتكەن عاسىردىڭ بەل ورتاسىندا عانا ءبىلدى.
قارا قۇردىم
عالامداعى جۇمباق قۇرىلىمنىڭ ءبىرى – قارا قۇردىم. بۇل – جويقىن تارتىلىس كۇشى ارقىلى بۇكىل ماتەريا مەن جارىق نۇرىن جىبەرمەي, وزىنە تارتىپ الاتىن, ماسساسى وتە اۋىر جۇلدىز دەنە.
ونىڭ ولشەمى جوعارى. تارتىلىس كۇشىنىڭ ءورىسى تىم جويقىن بولعاندىقتان ەشقانداي ماتەريا, ماگنيتتى تولقىن, جارىق جىلدامدىعىندا قوزعالادى دەيتىن جارىق رادياتسياسى دا ودان قاشىپ قۇتىلمايدى. ونى تىكە باقىلاۋ مۇمكىن ەمەس. بىراق جاناما تاسىلدەر ارقىلى ونىڭ بار ەكەنىن, باسقالارعا قانشالىقتى كۇش ءتۇسىرىپ جاتقانىن زەرتتەۋگە بولادى. بىراق عالىمدار ونى تىلسىمعا تولى عارىشتىق قۇبىلىس دەپ باعالايدى.
بەن-بەن پيراميداسى
مىڭداعان جىلدار بويى عالىمداردى تاڭعالدىرىپ كەلە جاتقان دۇنيەنىڭ ءبىرى – بەن-بەن پيراميداسى.
قازىر قۇندى جادىگەر مىسىر مۇراجايىندا تۇر. پيراميدا قارا تاستان جاستالعان. بىراق قارا تاستى عالىمدار عارىشتا عانا كەزدەسەدى دەپ ايتادى. ونىڭ قۇرامداس بولىگى جەر بەتىندە جوق. بۇگىنگە دەيىن پيراميدانىڭ بۇرىشتارى دالدىكپەن قالاي كەسىلگەنى انىقتالعان جوق. كەيبىر ساراپشىلار ونى مەتەوريتتەر قۇلاعاننان كەيىن پايدا بولعان دەيدى. قىسقاسى, بەن-بەن پيراميداسى ءالى كۇنگە دەيىن جۇمباق كۇيىندە قالىپ وتىر.