سۇيگەن جار جاۋ بولمايدى: تانىمال ايتىسكەرلەر تۇرمىستىق زورلىق-زومبىلىق تۋرالى ءان شىرقادى

ايتىسكەرلەر ءاندى الەۋمەتتىك جەلىگە جاريالادى.

- ۇيلەردى قۇلاتىپ جاتقان تاسقىن سۋعا توسقاۋىل قويامىز دەپ سىرتتا جۇرسەك تە, شاڭىراقتى قۇلاتىپ جۇرگەن ەركەكتەرگە وي سالساق دەپ وسى تاقىرىپقا دا توقتالدىق, – دەپ جازدى ايتىسكەر اقىن جانداربەك بۇلعاقوۆ.

- ايەلدى ادام سانامايدى,

ەسسىزدەر جانىن جارالايدى.

دەنى ساۋ ادام سابامايدى,

ۇيدەگى ارۋدى.

سۇيگەن جار جاۋ بولمايدى,

تيراندار جار بولمايدى.

ايەلدەر ارماندايدى -

تىنىشتىق تابۋدى.

جاقسىدا جاتتىق بولار ما,

جامانعا كوڭىلىڭ تولار ما؟!

اق كەلىن بولىپ اتتاندىڭ,

اق كەبىنمەنەن ورالما!, – دەپ اندەتكەن ونەر يەلەرى.

جەلى قولدانۋشىلارى ايتىسكەرلەردىڭ بۇل باستاماسىن قولداپ, اقجارما لەبىزدەرىن ءبىلدىردى.