قاراعاندى وبلىسى پروكۋراتۋراسىنىڭ باستاماسىمەن ۇلتتىق قاۋىپسىزدىك كوميتەتىنىڭ قاراعاندى وبلىسى بويىنشا دەپارتامەنتىمەن بىرلەسىپ, قىلمىستىق توپتىڭ قىزمەتى توقتاتىلدى, دەپ حابارلايدى Egemen.kz.
قاراعاندى وبلىسى پروكۋراتۋراسىنىڭ ءباسپاسوز قىزمەتى حابارلاعانداي, قىلمىستىق سحەماعا حالىققا قىزمەت كورسەتۋ ورتالىعىنىڭ, مەديتسينالىق مەكەمەلەردىڭ قىزمەتكەرلەرى جانە «كومەكشىلەر» دەپ اتالاتىندار قاتىسقان.
«اقشالاي سىياقىلار ءۇشىن شەتەلدىكتەرگە ۋاقىتشا تۇرۋعا 700-دەن استام زاڭسىز رۇقسات بەرىلگەن. ۋاقىتشا تۇرۋعا رۇقسات الۋعا ءوتىنىش بەرگەن كەزدە تۇرعىن ءۇي يەسىنىڭ جەكە قاتىسۋى مەن كەلىسىمى تالاپ ەتىلەدى, بىراق شەتەلدىكتەردى تىركەۋ زاڭ تالاپتارىن ەلەمەي جۇرگىزىلگەن. سونىمەن قاتار 2 ەلەكتروندىق-تسيفرلىق قولتاڭبا زاڭسىز شىعارىلىپ, «eQonaq» اقپاراتتىق جۇيەسىندە شەتەل ازاماتتارىنىڭ كەلۋىن تىركەۋ تۋرالى 30-دان استام حابارلاما بەرۋ ءۇشىن پايدالانىلعان», دەلىنگەن حابارلامادا.
مۇنىڭ بارلىعى ەلەكتروندى-تسيفرلىق قولتاڭبا يەلەرىنەن جاسىرىن جاسالعان.
شەتەلدىكتەردى تىركەۋ بويىنشا زاڭسىز سحەمالار ەل اۋماعىنا دەسترۋكتيۆتى تۇلعالاردىڭ كىرۋىنە مۇمكىندىك بەرەدى.
اتالعان فاكتى بويىشا سوتقا دەيىنگى تەرگەۋ امالدارى جۇرگىزىلىپ جاتىر.