پاۆلودار وبلىسى اقتوعاي اۋدانىنىڭ توتەنشە جاعدايلار كوميسسياسى وسى جىلدىڭ 2 ساۋىرىندە جالاۋلى اۋىلىندا ەنگىزىلگەن جەرگىلىكتى اۋقىمداعى تابيعي توتەنشە جاعداي رەجيمىن الىپ تاستاۋ تۋرالى شەشىم قابىلدادى, دەپ حابارلايدى Egemen.kz.
ەستەرىڭىزگە سالا كەتەيىك, قاردىڭ ەرۋى مەن جاۋىن-شاشىننىڭ, سونداي-اق ەكپىنى سەكۋندىنا 25 مەترگە جەتەتىن جەلدىڭ سالدارىنان ەرىگەن سۋ دالالىق ايماقتان اۋىلعا اسىپ, ويپاتتا ورنالاسقان 14 تۇرعىن ءۇيدى سۋ باستى.
اۋىلدىڭ ويپاتتى جەرلەرىندە ورنالاسقان ۇيلەردى سۋ باسۋ ماسەلەسىن شەشۋ ءۇشىن وبلىستىق جەدەل شتاب 200 000 تەكشە مەتر سۋدى قۇرايتىن 3 جاڭا شۇڭقىر سالۋ تۋرالى شەشىم قابىلدادى. بۇل كەلەشەكتە اۋىلدى سۋ باسۋ قاۋپى ماسەلەسىن كەشەندى تۇردە شەشۋگە مۇمكىندىك بەرەدى.
اۋىلدا توتەنشە جاعداي جاريالانعان كۇننەن باستاپ 12 بىرلىك تەحنيكانى پايدالانىپ, شۇڭقىرلار سالۋ جۇمىستارى تاۋلىك بويى جۇرگىزىلدى. تۇرعىن ۇيلەردى سۋ باسۋ قاۋپى تولىعىمەن جويىلىپ, جاعداي تۇراقتالدى.
سۋ تاسقىنى كەزىندە ۇيلەرى زارداپ شەككەن بارلىق اۋىل تۇرعىندارىنا جان-جاقتى كومەك كورسەتىلىپ جاتىر. ارنايى كوميسسيا كەلتىرىلگەن شىعىندى ەسەپتەپ وتىر, قورىتىندىسى وسى جىلدىڭ 10 ساۋىرىنە دەيىن بەلگىلى بولادى. ناتيجەسىندە زارداپ شەككەن ءۇي يەلەرىنە بيۋدجەتتەن تىس قاراجات ەسەبىنەن وتەماقى تولەنەدى.
قىرمىزى جۇماعاليقىزى,
ەۇۋ ستۋدەنتى