ماڭعىستاۋ وبلىسىنا قاراستى بەينەۋ اۋدانىنداعى 15 مەكتەپتە اتىراۋ وبلىسىنىڭ جىلىوي اۋدانىنان كەلگەن تۇرعىندارعا ارنالعان ەۆاكۋاتسيالىق پۋنكتتەردىڭ ورنالاسۋىنا بايلانىستى, ساباق ءداستۇرلى فورماتتان ونلاين فورماتقا اۋىسادى. بۇل تۋرالى قوعامدىق كوممۋنيكاتسيا ورتالىعى حابارلادى.
جۇرگىزىلگەن شارانىڭ باستى ماقساتى بالالاردىڭ قاۋىپسىزدىگىن قامتاماسىز ەتۋ. اتالعان 15 مەكتەپتە بارلىعى 16 039 بالا وقيدى.
«قاشىقتان وقىتۋ ساباقتارى ZOOM جەلىسى ارقىلى وتەدى. مۇعالىمدەر ساباقتى جۇمىس ورىندارىنا كەلىپ وتكىزەدى. بۇنداي تاجىريبە بىزدە بۇرىننان بار, قيىندىق تۋدىرماۋ كەرەك», دەدى ماڭعىستاۋ وبلىستىق ءبىلىم باسقارماسىنىڭ باسشىسى دينارا جۇماشەۆا.
ونلاين وقىتۋ فورماتى 8-12 ءساۋىر ارالىعىنا جۇرگىزىلەدى. وزگەرىستەر بولعان جاعدايدا قوسىمشا حابارلانادى.
ماڭعىستاۋ وبلىسى