ناۋقاستاردى ماڭعىستاۋ وبلىسىنا تاسىمالداۋ ءۇشىن 14 جەدەل جاردەم كولىگى مەن 2 اۆتوبۋس بولىنگەن, دەپ حابارلايدى Egemen.kz.
جىلىوي اۋداندىق ورتالىق اۋرۋحانانىڭ باس دارىگەرى اسۇلان ابدراحمانوۆتىڭ ايتۋىنشا, ەمدەلۋشىلەردىڭ قاۋىپسىزدىگى كوزدەلگەن.
«ورتالىق اۋرۋحانادا ەم الىپ جاتقان 77 ناۋقاس بار. ناۋسقاستاردىڭ قاۋىپسىزدىگىن قامتاماسىز ەتۋ ماقساتىندا كورشىلەس وبلىسقا تاسىمالداپ جاتىرمىز. اۋرۋحانانىڭ جانساقتاۋ بولىمىندە 2, حيرۋرگيا بولىمىندە 12, تەراپيا بولىمىندە 10, بالالار جانە بوسانۋ بولىمىندە دە ناۋقاستار بار. ولاردى قاۋىپسىز ورىنعا كوشىرۋ ماقساتىندا ەۆاكۋاتسيا ءجۇرىپ جاتىر. جاعدايى اۋىر ناۋقاستار رەانيماتولوگپەن, انەستەزيولوگپەن جانە تولىق جابدىقتالعان يۆل اپپاراتىمەن بارادى. جاتىپ باراتىن ناۋقاستار جەدەل-جاردەم كولىگىمەن, وزگەلەرى اۆتوبۋسپەن قاتىنايدى», دەدى اسۇلان ابدراحمانوۆ.
ناۋقاستاردى ەمدەۋشى دارىگەرلەر الىپ بارادى. ولار ءدارى-دارمەكتىڭ بارلىق تۇرىمەن قامتىلدى. قىزمەتكەرلەر بەينەۋ اۋداندىق اۋرۋحاناسىنا بارعان سوڭ ەمدەۋ-ساۋىقتىرۋ جۇمىسىنا كومەكتەسەدى. جالاقىسى ءىسساپار اقىسى نەگىزىندە تولەنەدى.
ال اۋداندىق ورتالىق اۋرۋحانادا جاعداي تۇراقتالعانعا دەيىن العاشقى كومەك كورسەتىلە بەرەدى.