قاسىم-جومارت توقاەۆ حيۋا قالاسىنا جۇمىس ساپارى بارىسىندا پرەزيدەنت شاۆكات ميرزيوەۆپەن بىرگە وزبەكستان جەڭىل ونەركاسىبىندەگى ۇلگىلى كاسىپورىنداردىڭ ءبىرى سانالاتىن «HIVA GILAMLARI» كىلەم توقۋ فابريكاسىن ارالاپ كوردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ىرگەسى 1977 جىلى قالانعان كاسىپورىنعا جاڭا ينۆەستور تولىقتاي رەكونسترۋكتسيا جاساعان. مۇندا جىلىنا 4,2 ميلليون شارشى مەتر كىلەم توقيتىن ءتورت تسەح جۇمىس ىستەيدى.
مەملەكەتتەر باسشىلارىنا اكريلدەن يىرىلگەن ءجىپ ءوندىرۋ تسەحى, كىلەم توقۋ تسەحتارى جانە دايىن كىلەم ۇلگىلەرىنىڭ شوۋ-رۋمى كورسەتىلدى.
كاسىپورىن ديرەكتورى كامول ابدۋللاەۆتىڭ ايتۋىنشا, فابريكا كىلەمدەرى ىشكى نارىققا ساتىلادى, سونداي-اق تمد ەلدەرىنە, قحر مەن اقش-قا ەكسپورتقا شىعارىلادى.
بۇدان كەيىن پرەزيدەنتتەر وزبەكستان ونەركاسىپ تاۋارلارىنىڭ كورمەسىن تاماشالادى. پاۆيلونداردا ارناۋلى تەحنيكا, ەلەكتر تەحنيكالىق جابدىقتار ۇلگىلەرى, باۋ-باقشا شارۋاشىلىعىنىڭ سەلەكتسيالىق جەتىستىكتەرى, توقىما, حيميا, تاماق, فارماتسەۆتيكا ونەركاسىبى ونىمدەرى, جىبەك, تەرى جانە زەرگەرلىك بۇيىمدار كورمەگە قويىلعان.
پرەزيدەنتتەر شەكارالاس وبلىستار اۋماعىندا ەكسپورتقا باعدارلانعان كاسىپورىندار كلاستەرىن قۇرۋدىڭ ماڭىزدى ەكەنىن اتاپ ءوتتى.
سونىمەن قاتار مەملەكەتتەر باسشىلارى ارال تەڭىزىنىڭ تابانىنا سەكسەۋىل ەگىپ, ايماقتاعى ەكولوگيالىق احۋالدى جاقسارتۋ ءۇشىن بىرلەسكەن كۇش-جىگەر جۇمساۋ قاجەت ەكەنىنە نازار اۋداردى.