استانا قالاسىنىڭ پروكۋراتۋراسى Instagram الەۋمەتتىك جەلىسىندە «aijan.aimaganova» اتتى جالعان پاراقشا انىقتالعانىن حابارلادى, دەپ جازادى Egemen.kz.
ەسكە سالايىق, ايجان ايماعانوۆا - قۋاندىق بيشىمباەۆقا قاتىستى قىلمىستىق ءىستى جۇرگىزىپ جاتقان مەملەكەتتىك ايىپتاۋشى.
بۇگىندە فەيك-پاراقشاعا جازىلعان قولدانۋشىلار سانى 15 000 مىڭنان استى.
اتالعان پاراقشادا سوت پروتسەسى ۆيدەولارىنىڭ ۇزىندىلەرى مەن پروكۋروردىڭ جەكە سۋرەتتەرى جاريالانعان.
«قۇرمەتتى الەۋمەتتىك جەلى قولدانۋشىلارى, بۇل پاراقشانىڭ ايجان ايماعانوۆاعا ەش قاتىسى جوق ەكەنىن حابارلايمىز. ازاماتتاردان سەنىمدى اقپارات كوزدەرىنە عانا سەنۋدى سۇرايمىز», دەلىنگەن پروكۋراتۋرا مالىمدەمەسىندە.