مەملەكەت باسشىسى قاسىم-جومارت توقاەۆ باتىس قازاقستان وبلىسىنا جۇمىس ساپارى بارىسىندا قارعىن سۋ باسقان اۋماقتاردى تىكۇشاقپەن ارالاپ كوردى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
دالىرەك ايتقاندا, پرەزيدەنت تەرەكتى, سىرىم جانە قاراتوبە اۋداندارىندا قالىپتاسقان جاعدايدى باقىلادى.
وبلىس اكىمى ناريمان تورەعاليەۆ پرەزيدەنتكە 6 اۋدان مەن ورال قالاسىن سۋ باسقانىن باياندادى.
قارعىن سۋ 552 تۇرعىن ۇيگە, 427 ساياجاي تەلىمىنە زيان كەلتىرگەن. ءوڭىر باسشىسىنىڭ ايتۋىنشا, سۋ تاسقىنىنا قارسى شارالارعا 1911 ادام, 332 تەحنيكا, 101 موتوپومپا, 1 تىكۇشاق جۇمىلدىرىلعان. سونىمەن قاتار قۇتقارۋ جۇمىستارىنا الماتى جانە ماڭعىستاۋ وبلىستارىنىڭ قۇتقارۋشىلارى اتسالىسىپ جاتىر. قارعىن سۋ باسقان اۋماقتاردان 7 مىڭعا جۋىق تۇرعىن كوشىرىلگەن, جەدەل-ەۆاكۋاتسيالاۋ پۋنكتتەرى قۇرىلعان. زارداپ شەككەندەرگە بىرجولعى ماتەريالدىق كومەك كورسەتۋ ءۇشىن جەرگىلىكتى بيۋدجەت ەسەبىنەن 63 ميلليون تەڭگە قارجى ءبولىندى.
قازىرگى ۋاقىتتا سۋ ايداۋ, نىسانداردىڭ جان-جاعىن توپىراقپەن قورشاۋ جانە سۋ جۇرەتىن قۇبىرلاردى كەڭەيتۋ جۇمىستارى جۇرگىزىلىپ جاتىر.