استانا قالاسىنىڭ اكىمى جەڭىس قاسىمبەك Instagram پاراقشاسىندا سۋ تاسقىنىنا قارسى قانداي شارۋالار اتقارىلىپ جاتقانىن بايانداپ بەردى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
«قالادا سۋ تاسقىنىنا قارسى جۇمىس بەلسەندى ءجۇرىپ جاتىر. كوممۋنالدىق قىزمەتتەر 7 ملن 100 مىڭ تەكشە مەتردەن استام قار شىعاردى, بۇل وتكەن قىس مەزگىلىنىڭ سايكەس كەزەڭىمەن سالىستىرعاندا 2 ملن تەكشە مەترگە ارتىق. وتكەن جىلدارمەن سالىستىرعاندا سۋ تاسقىنى قاۋپى بار ۋچاسكەلەردىڭ سانى 20-عا دەيىن ازايدى. قازىرگى ۋاقىتتا ارىق-ناۋا جەلىسىنىڭ 61 مىڭ 600 پوگوندىق مەتردەن استامى تازارتىلدى, 14 مىڭ پوگودىق مەتردەن استام كوللەكتور جۋىلدى, 9 مىڭ 400 پوگوندىق مەتردەن استام قۇبىر, 4 مىڭ دانا باقىلاۋ, جاڭبىر قابىلداۋ قۇدىعى جانە ت.ب. بۋلاندىرىلدى. سونداي-اق نوسەرلى كارىز جۇيەلەرىنە زاڭسىز كىرمە جولداردى انىقتاۋ بويىنشا جانە ت.ب. جۇمىستار جۇرگىزىلىپ جاتىر», دەپ جازدى اكىم.
وسى تۇستا قالا اكىمى ەلوردانى ارالاۋ بارىسىندا قالانى سۋ تاسقىنىنان ينجەنەرلىك قورعاۋعا جاۋاپتى استانا كونتررەگۋلياتورىنا, سونداي-اق ەسىل وزەنىنىڭ ارناسىن قايتا جاڭارتۋ ۋچاسكەلەرىنە بارعانىن حابارلادى. قورعانىس قۇرىلىمىنىڭ جالپى كولەمى 450 ميلليون تەكشە مەتردەن اسادى, قازىرگى ۋاقىتتا نىساننىڭ تولتىرىلۋ كورسەتكىشى شامامەن 48 ميلليون تەكشە مەتردى قۇرايدى.
«سۋ دەڭگەيىن تۇراقتاندىرۋ ماقساتىندا نىساننان 10 م3/س كولەمىندە سۋ اعىزىلادى. سونىمەن بىرگە, ەسىل وزەنىنىڭ اكۆاتورياسىنىڭ دەڭگەيىن رەتتەۋ جانە قالانىڭ ورتالىق بولىگىندە سۋ كولىگى قاتىناسىن قامتاماسىز ەتۋ ماقساتىندا ەسىل وزەنىنىڭ ارناسىن قالپىنا كەلتىرۋ جۇرگىزىلىپ جاتىر. بۇل جۇمىستىڭ بارلىعى جالعاسىن تابادى. ازاماتتىق قورعاۋ ورگاندارى مەن كوممۋنالدىق قىزمەتتەر دايىن تۇر. سول سياقتى اقمولا وبلىسىندا سۋ تاسقىنىنا قارسى ءىس-شارالاردى وتكىزۋ ماقساتىندا 100-دەن استام جۇك جانە مامانداندىرىلعان تەحنيكا ءبولىندى», دەپ قورىتىندىلادى جەڭىس قاسىمبەك.