پەتروپاۆل پوليتسەيلەرى 30 جاستاعى قالا تۇرعىنى جاساعان بىرقاتار الاياقتىق دەرەگىن اشتى. ەشبىر جەردە جۇمىس ىستەمەيتىن ايەل بىرنەشە جىلدان بەرى ءوزىن تابىستى كاسىپكەر رەتىندە تانىستىرىپ, بىرنەشە ادامنان اقشا سۇراپ الىپ, ولارعا زور شىعىن كەلتىرگەن, دەپ حابارلايدى Egemen.kz.
Polisia.kz سايتىنىڭ مالىمەتىنشە, 2019 جىلى الاياق ايەل جابىرلەنۋشىلەردىڭ ءبىرىن سەندىرىپ, شۇعىل تۇردە جىلجىمايتىن م ۇلىك الامىن دەپ اقشا سۇراپ العان. الدانىپ قالعانىن بىلمەگەن ايەل پاتەرىن كەپىلگە قويىپ, ءىرى سومادا نەسيە العان. سالدارىنان وعان 12 ميلليون تەڭگە شىعىن كەلتىرىلگەن.
قالالىق پوليتسيا باسقارماسىنىڭ تەرگەۋشىلەرى كۇدىكتىنى تەرگەي كەلە, 45 مىڭنان بىرنەشە ميلليونداعان تەڭگەگە دەيىنگى شىعىن كەلتىرىلگەن الاياقتىقتىڭ 10 ەپيزودىن انىقتاعان.
ءبىرتالاي ۋاقىت وتسە دە جابىرلەنۋشىلەردىڭ كوبى وعان سەنىپ, قارىزدارى قايتارىلارىنا ۇمىتتەنگەن. پوليتسياعا تورتەۋى عانا جۇگىنگەن.
Polisia.kz مالىمدەمەسىندە: «بيىل ناۋرىز ايىندا پەتروپاۆل قالالىق سوتى وعان 4 جىلعا باس بوستاندىعىنان ايىرۋ تۇرىندە جازا تاعايىنداپ, كەلتىرىلگەن شىعىندى وتەۋگە مىندەتتەدى. ۇكىم زاڭدى كۇشىنە ەندى», دەلىنگەن.