كەزدەسۋ بارىسىندا پرەزيدەنت قاسىم-جومارت توقاەۆ باقىتجان ساعىنتاەۆتى ەۋرازيالىق ەكونوميكالىق كوميسسيا (ەەك) القاسىنىڭ توراعاسى قىزمەتىنە كىرىسۋىمەن قۇتتىقتادى, دەپ جازادى Egemen.kz.
مەملەكەت باسشىسىنا ەەك قىزمەتىنىڭ باسىم باعىتتارى جانە ونى ودان ءارى دامىتۋ پەرسپەكتيۆاسى, سونداي-اق قازاقستان مەن ەەك اراسىنداعى ءوزارا ىقپالداستىقتىڭ جاي-كۇيى تۋرالى باياندالدى.
سونىمەن قاتار كەزدەسۋدە 2030 جانە 2045 جىلدارعا دەيىنگى «ەۋرازيالىق ەكونوميكالىق جول» دەكلاراتسياسىن جۇزەگە اسىرۋ جونىندەگى ءىس-شارالار جوسپارىن ازىرلەۋ, سونداي-اق بيىل مامىر ايىندا ماسكەۋدە وتەتىن جوعارى ەۋرازيالىق ەكونوميكالىق كەڭەستىڭ مەرەيتويلىق وتىرىسىنا دايىندىق ماسەلەلەرى تالقىلاندى.