ءبىر توپ گارۆارد ستۋدەنتتەرى ەل تاريحىمەن, مادەنيەتىمەن جانە قازىرگى ەكونوميكاسىمەن جاقىنىراق تانىسۋ ءۇشىن قازاقستانعا كەلدى. ولار بەلگىلى كاسىپكەر دۋلات تاستەكەي قۇرعان كومپانياعا ات باسىن بۇرىپ, مەنەدجمەنتتەگى وتاندىق ترەندتەرمەن, دامۋ ستراتەگيالارىمەن جانە بيزنەستەگى يننوۆاتسيالىق تاسىلدەرىمەن تانىستى, دەپ جازادى Egemen.kz.
قوناقتار ۇجىمنىڭ جوعارى كاسىبيلىگىن, قارقىندى ءوسۋىن جانە ءبىرىنشى كەزەكتە قازاقستاندا بيزنەستى دامىتۋعا باعىتتالعان جۇمىستاردىڭ ماڭىزدىلىعىن اتاپ ءوتتى. «TAS Group الەمدىك نارىقتا باسەكەگە قابىلەتتى جوعارى تەحنولوگيالىق جانە يننوۆاتسيالىق قارجىلىق كومپانياعا اينالۋدى كوزدەيدى. بۇل كەزدەسۋ سونىڭ العىشارتى دەسەك ارتىق ايتقاندىق ەمەس. بۇل ساپار ءبىلىم بەرۋدىڭ الەمدىك دەڭگەيى وتاندىق بيزنەس-سەكتوردىڭ ديناميكاسىمەن قالاي توعىسىپ, ەكى تاراپتى دا قۇندى تاجىريبەمەن بايىتا تۇسكەنىنىڭ ايعاعى بولدى», دەيدى كومپانيا وكىلى دانيار مولداحمەت.
شەتەلدىك قوناقتار قازاق قوناقجايلىعىنا باس ءيىپ, ءوز ەلدەرىنە شاقىردى.