اۋدان ورتالىعى – ميالى اۋىلىنا ويىل وزەنىنەن تاسقىن سۋدىڭ كىرۋ قاۋپى ءتوندى. وسىعان بايلانىستى اۋداندا توتەنشە جاعداي جاريالانىپ, اۋىل تۇرعىندارىن قاۋىپسىز جەرگە كوشىرۋگە شەشىم قابىلداندى, دەپ جازادى Egemen.kz.
قىزىلقوعا اۋدانى اكىمدىگىنىڭ مالىمەتىنشە, تۇرعىنداردى قابىلداۋ ءۇشىن ميالى اۋىلىنداعى ى.شورەكوۆ اتىنداعى مەكتەپ-گيمنازيا, ح.دوسمۇحامەدوۆ اتىنداعى ورتا مەكتەپ پەن «نۇر-شۋاق» بالاباقشاسى دايىن تۇر.
«ارمان» مادەنيەت ءۇيى مەن «جاڭا ارنا» مەكەمەسىنىڭ عيماراتىنا جينالۋ سۇرالادى. ءبىرىنشى كەزەكتە ايەلدەر, بالالار, ناۋقاس ادامدار, ءۇش توپتاعى مۇگەدەكتەر كوشىرىلەدى», دەپ حابارلادى اۋداندىق اكىمدىكتەن اۋدان تۇرعىندارىنا.