ءماجىلىس دەپۋتاتتارى, «AMANAT» پارتياسى فراكتسياسىنىڭ مۇشەلەرى قازىبەك الىشەۆ پەن ماقسات تولىقباي اقتوبە وبلىسىنا بارىپ, سۋ تاسقىنىنان زارداپ شەككەن قوبدا اۋدانى جۇرتشىلىعىمەن كەزدەستى, دەپ حابارلايدى Egemen.kz.
«AMANAT» پارتياسى تاراپىنان قولدان كەلگەنشە كومەك كورسەتىپ جاتىرمىز. ءدارى-دارمەك, جاڭا توسەك-ورىن بارلىعى جەتكىلىكتى. جاعداي تۇراقتالعانشا تۇرعىنداردىڭ باسى-قاسىندا بولامىز», دەدى ماقسات تولىقباي.
اتالعان پارتيانىڭ ءباسپاسوز قىزمەتى ءمالىم ەتكەندەي, قوبدا اۋىلىندا 237 ءۇي سۋ استىندا قالدى. زارداپ شەككەن تۇرعىندار ەۆاكۋاتسيالاۋ ورتالىقتارىنا ورنالاستىرىلىپ, ىستىق تاماقپەن, كيىم-كەشەكپەن قامتاماسىز ەتىلدى. ارنايى كوميسسيا شىعىن كولەمىن انىقتاپ جاتىر. جاپا شەككەن ادامدارعا ماتەريالدىق كومەك كورسەتىلىپ, سۋ تاسقىنىنىڭ الدىن الۋ شارالارىن كۇشەيتۋ جولدارى قاراستىرىلادى.
ءماجىلىس دەپۋتاتتارىنىڭ ءىسساپارى جالعاسادى. بۇگىن ولار تەمىر جانە مۇعالجار اۋدانىنداعى سۋعا كەتكەن اۋىلدارعا جولعا شىقتى.