ويىل اۋدانىنىڭ ورتالىعى ويىل اۋىلىنداعى سپورت مەكتەبى, اگرارلىق كوللەدج جانە 38 ءۇي ەۆاكۋاتسيالىق پۋنكت رەتىندە ۇيىمداستىرىلعان. بۇل ورىندارعا ش.بەرسيەۆتىڭ تۇرعىندارى كوشىرىلەدى. توسەك-ورىن, گيگيەنالىق زاتتار, تاماقتاندىرۋ جاعى قاراستىرىلعان.
سونداي-اق دارىگەرلىك كومەك كورسەتۋ قاجەتتىلىگى تۋىنداعان جاعدايدا, اۋداندىق اۋرۋحانانىڭ بارلىق قىزمەتكەرلەرى دايىن تۇر. مەديتسينالىق قۇرال-جابدىقتارى مەن ءدارى-دارمەكتەر بار. قوسىمشا اقتوبەدەن كوپسالالى كەڭ ءپروفيلدى بالالار اۋرۋحاناسىنان رەانيماتولوگ, حيرۋرگ, پەدياترلارمەن بىرگە, №2 اقتوبە قالالىق ەمحاناسىنىڭ باس پسيحولوگى دە ەۆاكۋاتسيالىق پۋنكتكە كوشىرىلەتىن تۇرعىنداردى كۇتىپ جاتىر.
ش. بەرسيەۆ اتىنداعى اۋىلدىڭ 27 تۇرعىنى ەۆاكۋاتسيالىق پۋنكتكە ءبىرىنشى رەيسپەن جەتكىزىلدى. ونىڭ ىشىندە ەرەسەكتەر سانى - 19, بالالار سانى – 8. بارلىعى مەديتسينا قىزمەتكەرلەرىنىڭ تەكسەرۋىنەن ءوتىپ جاتىر.
اقتوبە وبلىسى