حاينان ارالىندا وتكەن بواو ازيا فورۋمى قازاقستان مەن قىتاي ءۇشىن ماڭىزدى ءارى وزەكتى تاقىرىپتاردى قوزعادى. ءبىز ەنەرگەتيكالىق اۋىسۋ, جاسىل جانە تومەن كومىرتەكتى دامۋ, تەحنولوگيالىق يننوۆاتسيالار, جاساندى ينتەللەكت, تسيفرلىق ساۋدانى جەدەلدەتۋ سىندى باعىتتاردى دامىتۋىمىز كەرەك.
قحر اتالعان سالالار بويىنشا ءوز پوزيتسياسىن جوعارى قارقىنمەن كەڭەيتەتىنى ايان. قىتاي - قازاقستاننىڭ پروگرەسسيۆتى جانە تۇراقتى بولاشاعىنا قولداۋ كورسەتۋگە قابىلەتتى نەگىزگى ساۋدا سەرىكتەستەرىنىڭ ءبىرى. ول ءاردايىم تەحنولوگيالىق كوشباسشى رەتىندە ارەكەت ەتەدى.
ءوز كەزەگىندە, قازاقستان ورتالىق ازياداعى جەتەكشى ەكونوميكاعا يە بولا وتىرىپ, جاھاندانۋ جاعدايىندا قىتاي ءۇشىن نەعۇرلىم ءادىل حالىقارالىق قارجى جۇيەسىن قۇرۋ بويىنشا سەنىمدى ارىپتەس رەتىندە اياعىندا نىق تۇر.
شىن مانىندە, فورۋم اياسىندا مەملەكەت باسشىسى بەلگىلەگەن قارجى اعىندارىن كەڭەيتۋ, تسيفرلاندىرۋ ارقىلى جەتكىزۋ تىزبەگىنىڭ اشىقتىعىن ارتتىرۋ, بىرلەسكەن يننوۆاتسيالىق جوبالاردى ىسكە اسىرۋ ماقساتىندا جەتەكشى ازيالىق تەحنولوگيالىق الپاۋىتتارمەن تەحنولوگيالىق ىنتىماقتاستىقتى نىعايتۋ, ترانزيتتىك-كولىكتىك ىنتىماقتاستىقتى كەڭەيتۋ سياقتى بارلىق ماسەلەلەر ءىس-شارانىڭ كۇن تارتىبىمەن تىعىز بايلانىستى بولدى. سونىمەن قاتار, پرەزيدەنت ايتقان پراكتيكالىق ىنتىماقتاستىقتى تەرەڭدەتۋگە باعىتتالعان بارلىق تاقىرىپتار ەكى ەل ءۇشىن دە وتە ءتيىمدى.
تيىسىنشە, قازاقستاننىڭ بارلىق ماڭىزدى حالىقارالىق فورۋمدارعا قاتىسۋى مەملەكەت باسشىسىنىڭ حالىقارالىق ىنتىماقتاستىقتى ىلگەرىلەتۋگە, ەكونوميكامىزعا ينۆەستورلاردى تارتۋعا, مادەني-گۋمانيتارلىق بايلانىستاردى كەڭەيتۋگە ەرەكشە نازار اۋداراتىنىن ايقىن كورسەتەدى.
ءادىلحان گادەلشيەۆ, ەۋرازيالىق ينتەگراتسيا ينستيتۋتىنىڭ ساراپشىسى