بيىل ەلورداداعى 60 اپاتتى ءۇيدىڭ تۇرعىندارى 1400 پاتەرگە كوشەدى. وسىلايشا شامامەن 4200 ادامدى تۇرعىن ۇيمەن قامتاماسىز ەتۋ جوسپارلانىپ وتىر, دەپ حابارلايدى Egemen.kz استانا قالاسى اكىمدىگىنىڭ ءباسپاسوز قىزمەتىنە سىلتەمە جاساپ.
2013 جىلدان باستاپ استانادا 286 اپاتتى ءۇيدىڭ تۇرعىندارى قونىس اۋداردى. وسىلايشا 4500-دەن استام وتباسى جاڭا اباتتاندىرىلعان پاتەرلەرگە يە بولدى.
جالپى, 2023-2029 جىلدارعا ارنالعان تۇرعىن ءۇي قورىن جاڭارتۋ جوباسى اياسىندا 206 اپاتتى ءۇيدىڭ تۇرعىندارى 4 710 پاتەرگە كوشەدى دەپ جوسپارلانىپ وتىر.
«تۇرعىن ءۇي قورىن جاڭارتۋ تۇرعىن ءۇيدى جانە ءۇي ورنالاسقان جەر ۋچاسكەسىن رەكۆيزيتسيالاۋ تارتىبىمەن اۆاريالىق (ەسكىرگەن) تۇرعىن ءۇيدى بۇزۋ جانە ودان ازاماتتاردى كوشىرۋ جولىمەن قالانىڭ «ەسكى» كۆارتالدارىن كەشەندى رەكونسترۋكتسيالاۋدى كوزدەيدى. جوبانىڭ شارتتارى بويىنشا اۆاريالىق ۇيلەردىڭ تۇرعىندارىنا قۇقىق بەلگىلەيتىن قۇجاتتارعا سايكەس بولمەلەر سانىنا جانە ادام سانىنا قاراماستان, اۋدانى بويىنشا بىردەي مولشەردە (ياعني «شارشى مەتر»), بىراق كەمىندە ءبىر بولمەلى جاڭا پاتەرلەر بەرىلەدى», دەلىنگەن اكىمدىك حابارلاماسىندا.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا تۇرعىن ءۇي جاعدايلارىن جاقسارتۋ ءۇشىن تك جوندەۋ, ليفتەردى اۋىستىرۋ, جەڭىلدەتىلگەن الەۋمەتتىك تۇرعىن ءۇي سالۋ, ۇزاققا سوزىلعان قۇرىلىستاردى اياقتاۋ بويىنشا جۇمىستار جۇرگىزىلىپ جاتىر. اتالعان باعىت بويىنشا جۇمىستار ءالى دە جالعاسادى.