«قازگيدرومەت» سينوپتيكتەرى الداعى دەمالىس كۇندەرىنە ارنالعان اۋا رايى بولجامىن ۇسىندى. بولجامعا سايكەس, ەل اۋماعىندا ءالى دە تۇراقسىز اۋا رايى ساقتالادى, دەپ جازادى Egemen.kz.
قوستاناي وبلىس «قازاقستاننىڭ بارلىق اۋماعىنا ەكاتەرينبۋرگ ۇستىندە ورنالاسقان اۋقىمدى تسيكلون جانە ونىمەن بايلانىستى اتموسفەرالىق فرونتالدى ۋچاسكەلەر اسەر ەتۋدى جالعاستىرىپ جاتىر», دەيدى ماماندار.
بۇل جاڭبىر جيىلەپ جاۋاتىنىن بىلدىرەدى. ماسەلەن, 30 ناۋرىزدا اقمولا, پاۆلودار, قاراعاندى وبلىستارىندا, ال 31 ناۋرىزدا شىعىس قازاقستان وبلىسىندا جاۋىن-شاشىن بولادى.
تۇركىستان, جامبىل, الماتى, جەتىسۋ وبلىستارىندا دا جاڭبىر جاۋادى دەپ بولجانىپ وتىر.
«رەسپۋبليكانىڭ باسىم بولىگىندە اۋا تەمپەراتۋراسى تۇندە 3-10 ايازعا دەيىن تومەندەيدى, كۇندىز 5-13 گرادۋسقا دەيىن كوتەرىلەدى. وڭتۇستىك جانە وڭتۇستىك-شىعىس وبلىستاردا تۇندە اۋا تەمپەراتۋراسى تومەندەيدى. 6 گرادۋس اياز – 2 گرادۋس اياز, كۇندىز 5-18 گرادۋسقا دەيىن كوتەرىلەدى», دەلىنگەن حابارلامادا.
دەسە دە ەلدىڭ باتىسىندا عانا كۇن شىعىپ, جىلى بولادى. اتالعان وڭىردە اۋا تەمپەراتۋراسى تۇندە 1-6 گرادۋسقا دەيىن, كۇندىز 13-18 گرادۋسقا دەيىن كوتەرىلەدى.