استانا حالىقارالىق فورۋمى مەن بواو ازيا فورۋمى اراسىندا ءوزارا تۇسىنىستىك تۋرالى مەموراندۋمعا قول قويىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت قاسىم-جومارت توقاەۆتىڭ بواو ازيا فورۋمىنىڭ سەسسياسىنا قاتىسۋى بارىسىندا استانا حالىقارالىق فورۋمى (AIF) مەن BFA اراسىندا ءوزارا تۇسىنىستىك تۋرالى مەموراندۋمعا قول قويىلدى.
تاراپتار حالىقارالىق جانە وڭىرلىك كۇن ءتارتىبىن بىرلەسىپ ىلگەرىلەتۋگە, سونداي-اق ۇزدىك الەم قۇرۋ جولىنداعى كوپجاقتى سەرىكتەستىك پەن ۇجىمدىق جاۋاپكەرشىلىكتى نىعايتۋ جونىندەگى جاھاندىق شارالاردى قولداۋعا نيەتتى.
AIF جانە BFA ەكى ديالوگ الاڭىنىڭ كۇش-جىگەرىن بىرىكتىرىپ, ورتاق ماقساتتى كوزدەيتىن بىرقاتار ءىس-شارا وتكىزۋدى جوسپارلاپ وتىر.