پرەمەر-مينيستر ولجاس بەكتەنوۆ تجم-ءنىڭ داعدارىستىق جاعدايلاردا باسقارۋ ورتالىعىندا توتەنشە جاعدايلار ءمينيسترىنىڭ ەسەبىن تىڭدادى. اۋماقتىق تجد-لار بەينەكونفەرەنتسبايلانىس رەجيمىندە قوسىلدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«بۇل – سوڭعى جىلدارداعى ەڭ ۇلكەن سۋ تاسقىنى. قازىر باستىسى – ادام ءومىرىن ساقتاپ قالۋ جانە اپات زارداپتارىن ازايتۋ. كەيىن جەكەلەگەن لاۋازىمدى تۇلعالاردىڭ ءوز قىزمەتتىك مىندەتتەرىنە سالعىرت قاراۋىنىڭ ىقتيمال فاكتىلەرىن انىقتاۋ ماقساتىندا ەگجەي-تەگجەيلى تەكسەرۋ جۇرگىزىلەتىن بولادى. بۇل ماسەلەنى باس پروكۋرورمەن تالقىلادىم. بۇگىندە بارلىق كۇش سۋ تاسقىنىنا قارسى جۇمىستارعا جۇمىلدىرىلدى. ءبىرىنشى ورىنباسارىم رومان سكليار ەڭ قاتتى زارداپ شەككەن وڭىرلەردە ءجۇر», دەدى پرەمەر-مينيستر.
ۇكىمەت باسشىسى سونداي-اق سولتۇستىك وڭىرلەردە دە سۋ باسۋ قاۋپى بار ەكەنىن اتاپ ءوتتى. بۇعان دەيىن سولتۇستىك قازاقستان وبلىسىنداعى سۋ توراپتارىنىڭ جاعدايى تەكسەرىلگەن بولاتىن. تجم باسشىلىعىنا ەلىمىزدىڭ بارلىق وڭىرىندەگى جۇمىستارعا باقىلاۋدى كۇشەيتۋ تاپسىرىلدى.