سولتۇستىك قازاقستان وبلىسىنا ساپارى بارىسىندا پرەمەر-مينيستر ولجاس بەكتەنوۆ پەتروپاۆلدىڭ اۋىر ماشينا زاۋىتىندا بولىپ, وتاندىق پيلوتسىز ۇشاتىن اپپاراتتاردى تاماشالادى.
كاسىپورىننىڭ قازىرگى باسشىسى ارمان قۇلماعامبەتوۆ بۇل اپپاراتتاردىڭ ءورت سوندىرۋگە ىڭعايلى ەكەنىن باياندادى. ولار ورماندارداعى ورتتەردى سوندىرۋمەن قاتار بيىك ۇيلەردەگى ءورتتى سوندىرۋگە دە ىڭعايلى ەكەنى ايتىلدى. قازىر بۇل كاسىپورىن قىتايدىڭ Feima Robotics فابريكاسىمەن ەكىجاقتى كەلىسىمشارتقا قول قويىپ, ۇشاققا جانە مۋلتيكوپتەر ارقىلى ۇشىرىلاتىن درونداردى جاساۋعا قول قويىپتى.
ءبىر كەزدە 10 مىڭداي قىزمەتكەر جۇمىس ىستەيتىن بۇل قورعانىس كاسىپورنىندا قازىر 454 ادام جۇمىس ىستەيدى. بيىلعى 2 ايدا كاسىپورىن 2,2 ملرد تەڭگەنىڭ ءونىمىن شىعارعان.