قىزىلوردالىق ەكى كاسىپكەر اسا ءىرى مولشەردەگى مازۋتتى مۇناي ونىمدەرىنىڭ شىعارىلۋ زاڭدىلىعىن راستايتىن قۇجاتسىز يەلەنىپ, ساقتاپ, وتكىزىپ وتىرعان, دەپ جازادى Egemen.kz.
قر قما قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ سوتقا دەيىنگى تەرگەپ-تەكسەرۋ جۇرگىزۋ بارىسىندا اتالعان ەكى ازاماتتىڭ 2022-2023 جىلدار ارالىعىندا جالپى سوماسى 58 223 514 تەڭگەنى قۇرايتىن 1023 توننا كولەمىندەگى «م-100» ماركالى مازۋتتى زاڭسىز وتكىزىپ كەلگەنى دالەلدەنگەن.
ناتيجەسىندە ۋ.ن. ەسىمدى ازامات قازاقستان رەسپۋبليكاسىنىڭ قك-ءنىڭ 197-بابى 4-بولىگىنىڭ 2- تارماعىمەن, قك-ءنىڭ 218-بابى 1-بولىگىمەن كىنالى دەپ تانىلىپ, 3 جىل باس بوستاندىعىنان ايىرىلسا, ج.Ε. ەسىمدى ازاماتقا قك- ءنىڭ 63-بابى 1-بولىگىنە سايكەس, شارتتى تۇردە 3 جىل باس بوستاندىعىنان ايىرۋ تۇرىندەگى جازا تاعايىندالدى.