قوستاناي وبلىسى اكىمى قۇمار اقساقالوۆ كوكتەمگى سۋ تاسقىنىنا بايلانىستى توتەنشە جاعدايلار ورىن العان وبلىستىڭ وڭتۇستىك اۋداندارىنداعى اتقارىلىپ جاتقان شارالاردىڭ جاي-جاپسارىمەن ءوزى كەلىپ تانىستى. ارقالىقتاعى ساپارىندا قالاعا قاراستى سەۆەرنىي كەنتىنىڭ پرولەتارسكايا كوشەسىندەگى اعىن سۋدىڭ الدىن الۋ جۇمىستارىن كورىپ, ۇيلەرىن سۋ باسقان تۇرعىنداردىڭ دا احۋالدارىنا نازار اۋداردى, دەپ حابارلايدى Egemen.kz kostanaytany.kz سايتىنا سىلتەمە جاساپ.
26 ناۋرىز ساعات 18.45-تە سەۆەرنىي كەنتى, پرولەتارسكايا كوشەسى بويىندا قار سۋىن توقتاتۋ ءۇشىن جولدىڭ جيەگىنە قۇم توسەلىپ, سۋ سورعىش موتوپومپالار مەن جىلجىمالى ستانتسيالار جۇمىلدىرىلعان. سونىمەن قوسا جول بويىنان ارىق قازىلىپ, سۋدىڭ باعىتى بۇرىلدى. اتالعان ىسكە بارلىعى 50 ادام, 13 تەحنيكا تارتۋ ناتيجەسىندە جول ۇستىنەن ۇيلەرگە قاراي قۇلاعان سۋ ەكپىنى توقتاتىلدى.
قۇمار ىرگەباي ۇلى ارقالىق قالاسى اكىمدىگىندە كورشىلەس امانگەلدى, جانگەلدين اۋداندارى اكىمدەرىنىڭ قاتىسۋىمەن بەينەجيىندا ءمان-جايدى ناقتىلاپ, وعان ارقالىق قالاسى بويىنشا كوكتەمگى سۋ تاسقىنىنا قارسى شارالار تۋرالى قالا اكىمى ءامىرحان اسانوۆ اقپارات بەردى.
ارقالىق قالاسىنا قاراستى ەكىدىڭ, ابدىعاپپار حان اۋىلدارىمەن بايلانىستىراتىن كوتەرمە جولدىڭ سۋاعار قۇبىرلارى ەرىگەن قار سۋىن وتكىزىپ ۇلگەرە الماعاندىقتان 25 ناۋرىزدان باستاپ اتالعان اۋىلدارمەن قاتىناس ۇزىلگەن. ەكىدىڭ اۋىلىندا 258 تۇرعىن بار, اۋىلداعى 49 ءۇيدىڭ 23 -نە سۋ كىرىپ, 10 ءۇي ءب ۇلىندى. ەكى قىستاۋدىڭ تۇرعىندارى قاۋىپسىز جەرگە شىعارىلدى. ابدىعاپپار حان اۋىلىندا 276 تۇرعىن بار, 2 ءۇيدىڭ تۇرعىندارى قاۋىپسىز جەرگە شىعارىلدى. قايىڭدى اۋىلدىق وكرۋگىنىڭ قىزىلجۇلدىز اۋىلىنىڭ 185 تۇرعىنىن قاۋىپسىز جەرگە شىعارۋعا 3 اۆتوكولىك جىبەرىلدى. قايىڭدى اۋىلدىق وكرۋگىنە قاراستى 4 شارۋا قوجالىعى ورنالاسقان قىستاۋدا 14 ادام قاۋىپتى جاعدايدا وتىر. اتالعان ەكى اۋىلدا دا جۇكتى ايەلدەر مەن مەديتسينالىق ەسەپتە تۇراتىن ناۋقاستاردى قاۋىپسىز جەرگە شىعارۋ, اۋىل تۇرعىندارىن ازىق – ت ۇلىكپەن, ءدارى – دارمەكپەن قامتۋ شارالارى جۇرگىزىلدى.
ارقالىق قالالىق اكىمدىگى جانىنان 4 ءموبيلدى توپ قۇرىلىپ, 8 موتوپومپامەن تۇرعىنداردان تۇسكەن شاعىمدار بويىنشا سۋ سورعىتۋ جۇمىستارىن جۇرگىزىپ جاتىر. كومەككە قوستاناي وبلىسى توتەنشە جاعدايلار دەپارتامەنتى جاساعى 50 ادام, 3 تەحنيكا, 1 تىركەمەلى موتوپومپا, قاراعاندى قالاسىنىڭ اسكەري بولىمشەسىنەن 50 ادام, 3 تەحنيكا, قوستاناي قالالىق توتەنشە جاعدايلار دەپارتامەنتىنەن 2 تەحنيكا مەن 5 ادام جىبەرىلگەن.
وبلىس اكىمى قاۋىپتى جاعدايدا قالعان تۇرعىنداردى جەدەل تۇردە قاۋىپسىز ايماققا شىعارۋعا تاپسىرما بەردى. بۇل ءۇشىن قورعانىس مينيسترلىگىنەن 4 تىكۇشاق جاردەمگە كەلگەن.
«ادامدار تۇنگە دەيىن تولىق قۇتقارىلۋى ءتيىس. توتەنشە جاعدايدان زارداپ شەككەن بىردە ءبىر تۇرعىن ءوز ماسەلەسىمەن جەكە قالماۋى قاجەت», دەدى وبلىس اكىمى قۇمار اقساقالوۆ.
سونداي-اق قالا جانە اۋدان باسشىلارىنا الداعى ۋاقىتتا كوكتەمگى سۋ تاسقىنىنا ءجىتى دايىندالۋعا پارمەن بەردى.