اياگوز اۋدانىنداعى توتەنشە جاعداي

توتەنشە جاعداي دەپار­تامەنتىنىڭ وكىلدەرى الدىن الا تۇرعىندارعا ءتۇسىندىرۋ جۇ­مىستارىن جۇرگىزىپ, وزەن­دەر مەن بۇلاقتاردىڭ ار­نا­­­سىن تازالاۋ كەرەكتىگىن ەس­كەرت­كەن. بورودۋليحا اۋدا­نىنىڭ كراسنىي يار اۋى­لىنىڭ ىرگەسىندەگى ءۇبى وزە­نىندە مۇز كەپتەلىستەرىنىڭ الدىن الۋ ءۇشىن جارىلىس جۇ­مىس­تارى دا جۇرگىزىلدى. سەمەي قالاسىنىڭ ىشىندەگى قار شىعارىلىپ, سۋ باسۋ­دىڭ الدىن العان. دەيتۇر­عانمەن, بىرقاتار اۋداندا وزەندەر ارناسىنان شىعىپ, جولاۋشىلارعا كەدەرگى بول­عان. اسىرەسە اياگوز اۋدانى­نىڭ تۇرعىندارى مەن بيلىك وكىلدەرىن ابىگەرگە سالدى. اياگوز – بوزاي تاس­جولىنىڭ 20 شاقىرىمىندا اياداي عانا اياگوز وزەنى ارناسىنان اسىپ, كوپىردىڭ ءبىر قابات توسە­مىن شايىپ كەتكەن. ءتىل­سىز جاۋدىڭ سالدارىنان اياگوز اۋدانىنىڭ اكىمدىگى جەر­گىلىكتى اۋقىمداعى توتەنشە جاعداي جاريالادى. قازىرگى ۋاقىتتا كوپىر ارقىلى كولىك قاتىناسى توقتاتىلعان. سو­نى­مەن قاتار باسقا اينالما كولىك جولدارى ارقىلى ەلدى مەكەنمەن بايلانىستى قالپىنا كەلتىرۋ جۇمىستارى جۇرگىزىلىپ جاتىر. پولي­تسيا دەپارتامەنتىنىڭ قىز­مەتكەرلەرى شەكتەۋ بەل­گىلەرىن قويىپ, كەزەكشىلىك ۇيىمداستىردى. ال تۇرعىن­داردى اياگوز وزەنى ارقى­لى وتكىزۋ ءۇشىن تجد قىز­مەت­كەرلەرى جۇمىلدىرىلدى. ولار قاجەت بولعان جاعدايدا ءجۇزۋ قۇرالدارىنىڭ كومەگى­مەن وتكەلدىڭ قىزمەتىن ات­قارادى.

وزگە وڭىرلەرمەن سالىس­تىرعاندا, اياگوز اۋدانىنا قار جۇقا تۇسكەنىمەن قاۋىپ از ەمەس. ارقانى كەڭ­گە سالۋعا بولمايتىن سياق­تى. ەستەرىڭىزگە سالساق, جۋىق­تا ارناسىنان اسىپ-تاسىپ جاتقان اياگوز وزەنىنەن وتپەك بولعان ءۇش جىگىت سۋعا كەتكەن دەگەن بولجام بار. 23 ناۋ­رىز كۇنى وقيعا ورنىنا اباي وبلىسىنىڭ تجد جەدەل-قۇتقارۋ جاساعى­نىڭ قىزمەتكەرلەرى دەرەۋ جى­بەرىلگەن. سۋعا كەتكەن ازا­­مات­تاردىڭ ءبىرى 1977 جى­لى تۋعان ەر ادام اياگوز وزە­نىنەن وتپەكشى بولعان كەزدە اتتان قۇلاعان سەكىلدى. ەر ادام اتپەن ءوزى جۇمىس اتقا­راتىن «شىعىس» شار­ۋا قوجالىعىنا بارماقشى بولعان. سونىمەن قاتار 26 ناۋ­رىزدان باستاپ 1957 جانە 1985 جىلى تۋعان تاعى ەكى ازاماتتى ىزدەستىرۋ جۇر­گىزىلىپ جاتىر. ولار «متز 82» ماركالى تراكتوردا بور­لى وزەنىنەن ءوتۋ كەزىندە سۋدا جوعالىپ كەت­كەن. ولار «شالقار» قوسال­قى شارۋا­شىلىعىنان قارا­عاش اۋىلىنا قاراي جولعا شىققان. جولدا ەر ادامدار جولدى قىسقارتۋ ءۇشىن وزەن ارقىلى وتپەكشى بولعان. الايدا ولار وزەننىڭ ورتاسىندا تۇرىپ قالعان. وقيعا ورنىنا كەلگەن قۇتقارۋ­شىلار ادامداردى تاپپادى.

ىزدەستىرۋ جۇمىستارىنا اباي وبلىسىنىڭ تجد, پوليتسيا دەپارتامەنتى, جاو, ءاب كۇشتەرى مەن قۇرالدارى بارلىعى 41 ادام, 4 ءجۇزۋ قۇرالى, 5 بىرلىك تەحنيكا, 3 پي­لوتسىز ۇشۋ اپپاراتتارى, سونداي-اق جەرگىلىكتى تۇرعىندار ەسەبىنەن ازاماتتار جۇمىلدىرىلدى. اياگوز اۋدانىنا ادامدارعا پسيحولوگيالىق كومەك كور­سە­تۋ ماقساتىندا تجد پسي­حو­لوگتەرى دە وقيعا ورنىنا جىبەرىلدى.

سۋ ايدىندارىنىڭ كوك­تەمگى لاستانۋىنا بايلانىس­تى سۇڭگۋىرلەردىڭ كومەگىمەن ىزدەۋ جۇمىستارى وزەندەردىڭ اعۋ جىلدامدىعىمەن جانە سۋ استىنىنىڭ كورىنۋىنىڭ ناشارلىعىمەن قيىندادى. 27 ناۋرىزدا ساعات 04.00-دەن باستاپ ىزدەستىرۋ-قۇتقارۋ جۇ­مىستارى قايتا جانداندىرىلدى, جۇمىستار 26 ناۋ­رىزدا قاراڭعى تۇسۋىنە بايلانىستى توقتاتىلعان ەدى.

كوكتەمگى تاسقىن كەزىن­دە اسا اباي بولعان ءجون. جازدىڭ كۇنى جىلاپ اعاتىن بۇلاقتاردىڭ ءوزى بۇل ۋاقىت­تا بۇلقىنىپ, مىنەز شىعا­راتىنىن ەستە ۇستاۋ كەرەك سەكىلدى.

اباي وبلىسى