قار كوبەسى سوگىلدى

توتەنشە جاعدايلار جونىندەگى دەپارتامەنتتىڭ مالىمەتىنە قاراعاندا, قارعىن سۋعا قارسى ارەكەتتەر بەلسەندى جۇرگىزىلىپ جاتىر. جەرگىلىكتى اتقارۋ ورگاندارىمەن ۇيلەستىرىلگەن جۇ­مىستاردىڭ ناتيجەسىندە, جىل باسىنان بەرى 1 ملن 626 مىڭ تەكشە مەتر قار شىعارىلعان. سونىڭ ىشىندە وتكەن اپتادا عانا 301 مىڭ تەكشە مەتر قار سىرتقا تاسىلعان. سۋ اعاتىن 2 082 قۇبىر تازالانعان. سونداي-اق 116 شاقىرىم ارىق تا تازارتىلىپ, سۋدىڭ جۇرۋىنە كەدەرگى بولاتىن قار مەن قوقىستاردان ارشىلعان. وتكەن اپتادا عانا 30 شاقىرىم ارىق تازالانىپتى.

«جىل باسىنان بەرى ەلدى مەكەندەردە قۇم-توپىراق سا­لىنعان 23 667 دايىندالدى. بۇل جۇمىس وتكەن اپتادا جەدەل قولعا الىنىپ, ءبىر اپتادا مۇنىڭ 12 مىڭدايى دايىن بولدى. دەپارتامەنت قىزمەتكەرلەرى قارعىن سۋ باسىپ كەتۋى مۇمكىن ۋچاسكەلەرگە توپ-توبىمەن ءبولى­نىپ, ارەكەت ەتۋگە دايىن وتىر. بۇ­عان قوسا قاجەتتى تەحنيكالار دا سايلاۋلى», دەدى تجد-نىڭ باس­پا­سوزبەن بايلانىس ءبولىمىنىڭ قىز­مەتكەرى ەۆگەني جۋراۆلەۆ.

26 ناۋرىز كۇنى ع.مۇسىرەپوۆ اۋدانىنداعى شارىق وزەنىندەگى مۇز كەپتەلىسىنىڭ الدىن الۋ ماقساتىمەن رايسوۆكا اۋىلىندا, اقانبۇرلىق وزەنى ارقىلى وتەتىن گريگورەۆ كوپىرى اۋدانىندا, اقانبۇرلىق پەن ەسىل وزەندەرىنىڭ تۇيىسكەن جەرىندە, جانە چيستوپولە اۋىلىنىڭ جانىندا مۇز جارۋ جۇمىستارى جۇرگىزىلدى. مۇزدىڭ جالپى اۋدانى 1 200 شارشى مەتردى قۇرادى. 160 كگ جارىلعىش زاتتار پايدالانىلدى. بۇل – سەڭ كەپتەلىسىن بولدىرماي, سۋدىڭ ەركىن اعۋى ءۇشىن جاسالىپ جاتقان شارالار.

الايدا حالىقتىڭ كوڭىلى كۇپتى ەكەنىن جاسىرۋعا بولمايدى. قالاداعى قاردى كۇن ء«مۇجىپ» ازايتا باستاعانىمەن, ءالى دە كوپ. ونىڭ ۇستىنە جەلتوقساندا ەرىگەن قاردان قاتقان مۇز توڭ بولىپ, قاردىڭ استىندا سىرەسىپ جاتىر. ۇيلەردىڭ كولەڭكەسىندە جاتقان قارعا كۇننىڭ كوزى جەتپەگەن. ءبىر كەزدە كۇرت ەرىسە, ۇيلەرگە سۋ كىرۋ قاۋپى بار. قارعىن سۋدىڭ بيىل جەرگە ءسىڭۋى قيىن, ويتكەنى توپىراقتىڭ ىلعالى بىلتىر كۇز بويى جاۋعان جاڭبىرمەن تولىپ تۇر.