سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى مەملەكەت باسشىسىنىڭ 2023 جىلعى جولداۋىن ىسكە اسىرۋ شەڭبەرىندە «قازاقستاننىڭ يننوۆاتسيالىق الەۋەتىن دامىتۋ» تاقىرىبىنا ارنالعان دوڭگەلەك ۇستەل وتكىزدى. وتىرىستى اشقان كوميتەت توراعاسى سۇيىندىك الداشەۆ ەلىمىزدىڭ ەكونوميكالىق دامۋى مەن باسەكەگە قابىلەتتىلىكتى ارتتىرۋ جانە ازاماتتاردىڭ ءومىر ءسۇرۋ ساپاسىن جاقسارتۋ بويىنشا يننوۆاتسيانىڭ ماڭىزدى ءرول اتقاراتىنىن اتاپ ءوتتى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
س.الداشەۆتىڭ ايتۋىنشا كوميتەت دوڭگەلەك ۇستەلگە دايىندىق شەڭبەرىندە 10 جۇمىس وتىرىسىن وتكىزگەن, بىرقاتار پروبلەمالىق ماسەلە انىقتالعان, وسى كەزدەسۋدە ولاردى شەشۋدىڭ ناقتى جولدارى, ونىڭ ىشىندە قولدانىستاعى زاڭناماعا ءتيىستى وزگەرىستەر ەنگىزۋ دە ەگجەي-تەگجەيلى تالقىلانباق.
سەناتور شاكارىم بۇقتىعۇتوۆ ءوز كەزەگىندە ارتاراپتاندىرىلعان ەكونوميكا قۇرۋ ماسەلەسىنە توقتالدى. ول 2021 جىلى «ونەركاسىپتىك ساياسات تۋرالى» زاڭ اياسىندا تەحنولوگيالىق ساياساتتى قالىپتاستىرۋعا باعىتتالعان بىرقاتار زاڭنامالىق نورما قابىلدانعانىن اتاپ ءوتتى. الايدا سەناتوردىڭ پىكىرىنشە, ولاردى ىسكە اسىرۋ يننوۆاتسيانى دامىتۋدا ايتارلىقتاي ناتيجە بەرگەن جوق.
ء«الى كۇنگە دەيىن يننوۆاتسيا ۇعىمى مەن ونىڭ قۇرامداس بولىكتەرى تۋرالى تۇسىنىك از. يننوۆاتسيانى قالاي دامىتۋ كەرەكتىگى تۋرالى ونەركاسىپتە دە, ۋنيۆەرسيتەتتە دە, مەملەكەتتىك سەكتوردا دا ناقتى تۇسىنىك جوق. ىسكە اسىپ جاتقان يننوۆاتسيالىق جوبالاردىڭ وندىرىستىك كاسىپورىندار مەن ەكونوميكانىڭ ناقتى سەكتورىنىڭ قاجەتتىلىگىنەن الشاقتىعى يننوۆاتسيالىق جۇيەنى قالىپتاستىرۋ جولىنداعى ەلەۋلى كەدەرگى بولىپ وتىر», دەدى سەناتور.
دوڭگەلەك ۇستەل بارىسىندا تسيفرلىق دامۋ, يننوۆاتسيالار جانە اەروعارىش ونەركاسىبى, عىلىم جانە جوعارى ءبىلىم, ەنەرگەتيكا مينيسترلىكتەرىنىڭ, «سامعاۋ» عىلىمي-تەحنولوگيالىق باستامالار ورتالىعى» قورىنىڭ جانە «يننوۆاتسيالىق تەحنولوگيالار پاركى» قورىنىڭ وكىلدەرى دە بايانداما جاسادى.