قازاقستان ازاماتتارى ازاماتتىق نەكەدەگى ايەلىن ءولتىردى دەپ ايىپتالعان بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ سوتىن ونلاين كورە الادى, دەپ حابارلايدى Egemen.kz.
بۇل تۋرالى جوعارعى سوتتىڭ ءباسپاسوز قىزمەتى حابارلادى.
«قۋاندىق بيشىمباەۆقا قاتىستى سوت پروتسەسىنە قوعامنىڭ جوعارى قىزىعۋشىلىعىن ەسكەرە وتىرىپ, وسى ءىس بويىنشا اشىق سوت وتىرىستارىنىڭ ونلاين-ترانسلياتسياسىن ۇيىمداستىرۋ تۋرالى شەشىم قابىلداندى», دەلىنگەن حابارلامادا.
ۆەدومستۆونىڭ حابارلاۋىنشا, اشىق رەجيمدەگى سوت وتىرىستارى القابيلەردى ىرىكتەۋدەن كەيىن وتەدى.
«جوعارعى سوتتىڭ رەسمي Telegram-ارناسىنا جازىلىڭىزدار جانە الەۋمەتتىك جەلىلەردەگى رەسمي اككاۋنتتارىندا حابارلامالاردى قاراپ وتىرىڭىزدار», دەلىنگەن حابارلامادا.