ريددەر قالاسىندا ۇلىستىڭ ۇلى كۇنى ناۋرىز مەرەكەسى جالعاسىن تاۋىپ جاتىر. بۇگىن تازالىق كۇنىندە ريددەرلىكتەر قالادان 10 شاقىرىم جەردە ورنالاسقان ۇلتتىق تابيعي قورىق اۋماعىنداعى قالىڭ قاردىڭ استىنداعى بۇلاقتىڭ كوزىن اشتى, دەپ حابارلايدى Egemen.kz.
بەيبىتشىلىكتىڭ بەسىگى بولعان يگى باستاماعا قالاداعى 12 ەتنومادەني ورتالىقتىڭ وكىلدەرى, جاستار جانە قاريالار دا بەلسەنە قاتىستى. «جولاۋشى بولساڭ, وسى اق بۇلاقتاي تازا بول!» ۇرانىمەن وتكەن ءىس-شارا مۇنىمەن شەكتەلىپ قالمايدى. قار ەرىپ, جەر كەپكەن سوڭ بۇلاقتىڭ ماڭى تازالانىپ, اباتتاندىرۋ جۇمىستارى جۇرگىزىلەدى. بۇل جەر جولاۋشىلاپ كەلە جاتقان ادامدار توقتاپ سۋ ءىشىپ, تاماشا تابيعات اياسىندا دەمالاتىن ورىنعا اينالادى.