جۋرناليست قىمبات دوسجان «بارمىسىڭ, باۋىرىم؟» حابارى ارقىلى شەتەلدىكتەر اسىراپ العان تاعى ەكى بالا تۋىستارىمەن كەزدەسكەنىن حابارلادى, دەپ جازادى Egemen.kz.
ايتا كەتسەك, بۇل ەكى بالا - روزا جانە نۇرلان. ارقالىق قالاسىنداعى بالالار ۇيىنەن قوس قازاق بالاسىن شەتەلدىك وتباسى اسىراپ العان ەدى.
«بارمىسىڭ, باۋىرىم؟» حابارىنىڭ وتكەن سانىندا روزا باگۋسوۆا ەسىمدى كەيىپكەر ءوز وقيعاسىن بايانداپ, تۋعان اتا-اناسىن ىزدەپ كەلگەنىن ايتتى.
«اراعا اپتا سالىپ روزانىڭ اناسى دا, اكەسى دە تابىلعانىن حابارلاپ وتىرمىز. روزا ەفيرگە كەلۋگە ءتيىس ەدى. الايدا, بەلگىلى سەبەپتەرمەن جولعا شىعا الماعان ەكەن. اناسى مەن اكەسى وڭاشا كەزدەسۋدى ءجون دەپ تاپتى. بىراق اكەسىنىڭ تۋىسى ستۋدياعا كەلىپ روزامەن تىلدەستى», دەدى قىمبات دوسجان.
ال نۇرلانعا تۋعان اناسىمەن تىلدەسەتىندەي مۇمكىندىك تۋعان.
قىمبات دوسجاننىڭ ايتۋىنشا, ەكەۋى ەكى ءتۇرلى وتباسىنان شىقسا دا, ءبىر وتباسىدا اعالى-قارىنداستاي وسكەن.